Poke Go (漆咸道南)

營業中

休息中

尖沙咀Poke Go，店內擺放左好多綠色植物、水泡貼紙等裝飾，充滿夏威夷既夏日風情。餐廳全部都係原型食材，烹調方法簡單，熱量低、低油、低鹽、含蛋白質，營養均衡，給人健康、新鮮既感覺；食材除左以海鮮為主之外，仲有搭配唔同口味既蔬菜，醬汁既選擇亦多不勝數。朋友係素食者，揀左雜菌香茹配沙律菜，配料揀左麻醬豆腐、溫室青瓜、甜粟米，醬汁揀左柚子醬油醋；雜菌香茹煮得夠鮮味，口感紮實，沙律菜新鮮爽脆，令成個Bowl既層次感非常豐富。我就揀慢煮雞胸配壽司飯，配料有雞蛋絲、芝麻海帶、麻醬豆腐；慢煮雞胸肉切到大大粒，肉質煮得啱啱好，唔會太柴，撈埋鰹魚醬汁，提昇整碗飯既味道。總結，餐廳既食材款式多，配搭吸引，擺盤精美，啱晒要減肥又想追求健康既人嚟幫襯。