Bread and Bistro (已結業)

長周末既星期六去左黃竹坑既咖啡店Bread and Bistro食野。假日餐牌有多款選擇，有全日早餐，沙律，冷烏冬，冲繩特式塔可飯，咖哩，pizza，湯飯，拉麵，湯烏冬，意粉，飯，飲品，同甜品。今日每人叫左個主食再加一個小甜品分享。蟹肉小龍蝦鰹魚湯泡飯 $148泡飯原來係白飯加少少紅米，上面配有唔少去殼蟹肉同小龍蝦，伴有清焯西蘭花同梛菜花一大一細各一，仲有少量洋蔥同南瓜，最後灑上飯素同蔥花。個湯好清，帶清淡嘅日式鰹魚湯味道。呢碗湯飯好健康，蟹肉同小龍蝦味道夠鮮，少少飯素調味更能提味。日式洋蔥牛肉飯 $108日式洋蔥牛肉飯大大碗。飯面鋪滿牛肉片，居然唔係肥牛，正呀，冇咁肥。上面灑上黑白芝麻粒，中間伴有一隻温泉蛋，撈飯一流。其他配料仲有好入味嘅冬菇，菇仔，可以增加口感嘅粟米粒，再灑上蔥花。碗飯夠汁，送飯一流，夠撈哂成碗飯。伯爵茶布丁燒 $38伯爵茶布丁燒用個玻璃兜仔裝往，上層布丁超級滑溜，味道帶微微伯爵茶，下底原來係一層蛋糕，非常濕潤，感覺似Tiramisu。周六兩點後餐廳都好旺場。