影片
更多
2023-09-07
92 瀏覽
是日同老婆外家一家人食飯，當做節。當中有較年長既一輩，心血來潮話好耐無食過新強記雞粥，印象我都分分鐘好幾年無食呢間。印象係食乳鴿，燒鵝，雞粥小菜咁，印象以前都好唔錯。其實本身都有d擔心，疫情後，都執左好多餐廳，都諗緊佢會唔會執左。好彩，上網check過仲响度，立即打電話訂位食飯。呀強乜你仲响度呀坐低睇下有咩好食，呢度好在好多套餐set好左，唔駛煩諗食乜，睇住個價錢去揀，唔駛左諗右諗食乜好，簡單。最後見到個728餐，幾抵食咁，又出名既燒鵝，乳鴿，仲有個湯飲，加多兩個小菜，幾個人食，加上女人多，實夠食。生磨杏汁白肺湯：足料，有雞肉，雞腳，瘦肉，豬肺，我就麻麻地內臟，長輩話洗得好乾淨，豬肺無so味。杏汁勁濃郁。燒鵝：例牌，其實都算大碟多件數。燒鵝對於我黎講，最緊要有d肥同夠熱，太瘦唔好食，唔夠熱食落去個浸油又好怪。今次食都幾ok，唔會太過肥，唔駛係咁夾走d肥膏。又唔會太瘦，夠熱，皮都脆，好唔錯。椒鹽九肚魚：都係新鮮整起，夠晒熱，食呢九肚魚最怕食到細骨，成日渣咁，今次成碟都無咁既情況，又唔厚粉，無得輸。雜菜煲：好足料又大煲，又菇又蝦乾咁。最怕煮到黃咁咁。今次尚算可以，美中不足既佢較濃味，個人喜
呀強乜你仲响度呀
坐低睇下有咩好食，呢度好在好多套餐set好左，唔駛煩諗食乜，睇住個價錢去揀，唔駛左諗右諗食乜好，簡單。最後見到個728餐，幾抵食咁，又出名既燒鵝，乳鴿，仲有個湯飲，加多兩個小菜，幾個人食，加上女人多，實夠食。
生磨杏汁白肺湯：足料，有雞肉，雞腳，瘦肉，豬肺，我就麻麻地內臟，長輩話洗得好乾淨，豬肺無so味。杏汁勁濃郁。
燒鵝：例牌，其實都算大碟多件數。燒鵝對於我黎講，最緊要有d肥同夠熱，太瘦唔好食，唔夠熱食落去個浸油又好怪。今次食都幾ok，唔會太過肥，唔駛係咁夾走d肥膏。又唔會太瘦，夠熱，皮都脆，好唔錯。
椒鹽九肚魚：都係新鮮整起，夠晒熱，食呢九肚魚最怕食到細骨，成日渣咁，今次成碟都無咁既情況，又唔厚粉，無得輸。
雜菜煲：好足料又大煲，又菇又蝦乾咁。最怕煮到黃咁咁。今次尚算可以，美中不足既佢較濃味，個人喜好雜菜煲清d好。
乳鴿：睇你鍾意食邊隻，有d人鍾意食佢油d，係就係好食d，不過通常咁油食完都好大獲。呢次比較無咁油，雖然可能無咁香口，但唔會過份油膩，d肉又唔柴，乳鴿整得好就連骨都食埋咁。
紅豆沙：真心送既本身無乜期望，無期望就唔會失望，更有小小驚喜，當然唔會希望佢起晒沙咁。但甜度適中，最怕淡如飲紅豆水或甜到爆。
整體滿意呢餐。
張貼
