肯尼海鮮 (已搬遷) 新店位置

認真，唔好再嗌呢間野。話說中秋前喺網上面見到佢，又好似幾多人推薦就諗住試吓。嗌咗一個二人套餐同埋一排海膽，前一晚大概六點先同我講中秋會早收，但就係因為見到星期五會開到七點先order佢。最好笑佢話如果你今日嚟唔到拎，你可以聽日嚟㗎，我哋聽日閂七點。我係咪聽日先做節？我明白中秋早放好正常，但你唔係早一日先同我講，同埋我喺訂單度已經註明咗要放工時6:30先拎到...跟住臨急臨忙要叫屋企人去葵興上門自取，真係多謝佢！屋企人影俾我睇買咁多魚生壽司，但係可以一嚿冰都冇？唔清楚係咪要慳啲咁嘅錢喇不過個order都成二千幾。Anyway 諗住做節返去食得開心就算喇，嘩，開出黎再燥多次。個海膽咁既色，壽司啲飯又硬到拎嚟掟人都痛。真心冇喺OpenRice比咩comments,但真係非常之失望。