影片
港鐵葵興站 E 出口, 步行約6分鐘
繼續閱讀
電話號碼
92256676
營業時間
今日營業
10:30 - 19:00
星期一
10:30 - 19:00
星期二
10:30 - 17:00
星期三
10:30 - 19:00
星期四
10:30 - 17:00
星期五至日
10:30 - 19:00
公眾假期
10:30 - 19:00
公眾假期前夕
10:30 - 19:00
以上資料只供參考, 請與餐廳確認詳情
多次惠顧，想食日式刺身、壽司和生蠔等到會，首選一定會幫襯「肯尼海鮮」，喜歡佢哋外賣包裝非常實淨，而且用好多乾冰及保鮮袋保護，送到屋企永遠保持新鮮，而且定期有好多超筍錢嘅食物，好似今期加拿大海膽、秋刀魚刺身、日本生蠔等都有超級特價優惠，適逢屋企人生日，再次訂購🫶▪️日本旬之秋刀魚 （切片刺身）時令之選，這個時候嘅秋刀魚非常肥美，肉質鮮甜，沾上酸汁更加滋味▪️日本兵庫縣室津產原隻生蠔店家推介這款日本生蠔，入口新鮮口感Creamy，而且喜歡不用自己開蠔，店家處理得非常乾淨▪️肯尼日本火山卷(大)「20貫」北寄貝刺身加蟹柳和沙律醬，經火槍燒後，鮮嫩的北寄貝和蟹柳口感豐富，搭配濃郁的沙律醬，烤製後散發著燒烤的香氣，讓人回味無窮🫶，另外有三文魚沙律醬、葱吞拿魚蓉、鰻魚、帶子蟹籽配上火山卷一樣滋味▪️刺身盛拼盤 Set P（輕量版）（33件）這款刺身拼盤共有六款食材，阿根廷赤蝦 、帶子刺身 、魷魚刺身 油甘魚刺身 、劍魚刺身 、三文魚刺身 ，每件都非常新鮮，質素頗高▪️花之戀6件分別有三款食材，蟹籽、吞拿魚蓉、海膽魷魚配上三文魚花之戀，每一件都好足料▪️兒童全熟壽司蛋糕蟹子加州卷 、海苔加州卷 、熊仔頭(撈飯素） 燒鰻魚壽司 、燒玉子壽司 、燒熟蝦壽司 腐皮船壽司(醬燒蟹柳絲) ▪️日式蟹籽沙律大大份好足料超級抵食，超多蟹柳和蟹籽▪️加拿大海膽現在非常時令，海膽Size 巨型，每件挺身又飽滿，入口鮮味無窮，而且性價比超高好抵食▪️阿根廷赤蝦刺身 L Size 3隻赤蝦肉質爽口又彈牙，充滿膠質，蝦頭超級多膏▪️日式枝豆小朋友每次都要order，大份又抵食▪️日本紫菜杯紫菜杯可以承載海膽和刺身，而且小朋友可以放上壽司卷，方便進食
繼續閱讀
之前都幫襯過肯尼好幾次，無論係海鮮，定係刺身壽司都非常不錯，家人都食得出同一般壽司外賣有分別，所以一直有回購。上星期熱辣辣唔想出街，於是又叫外賣。可惜，質素已不復再…. 😮💨首先，刺身壽司黎到已經唔凍，更莫講話要如佢落單時所講要回溫1小時先至食得，食落唔夠新鮮，尤其而家天氣咁熱，感覺不太良好。另外，刺身亦比較乾身，唔夠肥美。最差係個鰻魚飯，完全唔好食，仲要有啲腥😣以後似乎又少咗個選擇😢而家咁多人北上食嘢，香港嘅餐廳同外賣真係要維持好質素，先至可以留住客人。
繼續閱讀
专门做外送海鮮店，產品都比較多元化，買左好多翻屋企食，晚餐同平時零嘴又搞定了，野生池魚刺身，日本直送，池魚脂肪結實，肉質肥嫩，鮮甜；罐裝牛舌、鴨舌都好食，麻辣牛舌好惹味，香辣麻，停唔到口，鴨舌帶花雕酒香味，有埋枸杞係入邊，一度覺得正在食緊“健康食品”，哈哈哈，朱古力牛乳麻薯！今日最佳，糯糯嘰嘰，每一粒麻薯都被可可粉包住，點Oreo脆脆食，一下食曬。
繼續閱讀
去朋友家玩，怎麼可以兩手空空🫢這次在肯尼海鮮訂了朋友最愛的生蠔、壽司和我最愛的麻辣系列🫶🏻大家要留意👀肯尼海鮮已經從美華工業大廈13樓搬了去11樓D1室～🔎 日本氣仙町生蠔拼盤 n3 ($128)生蠔共有6隻🦪全部都很大隻和肥美，搭上魚籽和特製醬汁，鮮味十足❤️🔎 日本鰻魚魚蓉火山卷(小) ($98)旁邊是鰻魚壽司和魚蓉壽司🍣，中間是北寄貝刺身加蟹柳，搭配濃郁的沙律醬，口感豐富。上次試了麻辣系列，覺得不錯👅這次再encore❤️🔎 麻辣牛展 ($68)牛展肉質結實，味道鮮味～🔎 麻辣牛柏葉 ($48)牛栢葉口感爽脆，麻辣汁很香也很辣，不過非常過癮，讓人一口接一口吃不停。🔎 麻辣貢丸 ($42)貢丸已經切開一半，方便進食，而且非常入味👅
繼續閱讀
《好味推介 - 肯尼海鮮》早排招待朋友去我工作室坐下傾下計，晚餐我地就決定叫少少到會番上黎食🤓今次我地又係叫左肯尼海鮮既麻辣食品、一份細既火山卷同埋一份生蠔拼盤😎十分豐富，兩至三個人食就啱啱好了💁🏻♀️氣仙町生蠔拼盤 $128生蠔拼盤一共有六隻大大隻生蠔🦪入口海水味重，肉身滑溜而且蠔味濃，可以配埋肯尼海鮮配備既三文魚子同酸汁食用，食落會更多層次感💁🏻♀️日本鰻魚魚蓉火山卷 $98呢個聽講係新出既產品，呢個火山卷入面其實有三款卷物，呑拿魚蓉卷、鰻魚卷同埋蟹柳沙律卷，賣相十分精美，我個人覺得個醋飯其實做得十分不錯，唔會太過酸，同啲配菜既口味十分合拍🤓而三款入面我最喜歡就係鰻魚卷啦，個鰻魚汁十分濃郁令人好開胃💁🏻♀️麻辣無骨鳳爪 $48之前食過佢地既麻辣鮑魚後覺得幾好味，今次就試下其他既麻辣涼拌菜式，鳳爪去左骨後啖啖肉，咸香味十足，就算牙力唔夠都絕對食到，送酒一流💁🏻♀️麻辣雞腎 $48雞腎同樣係用左招牌既麻辣醬，其實食落唔太辣，反而係個香油味好重好香辣油味，雞腎切片的比較容易入口，唔會太韌，食落都幾香軟架💁🏻♀️麻辣豬耳 $58最後一款我就揀左豬耳，呢款我係買黎比我屋企人的，個豬耳處理得幾好唔會有陣腥味，咬落爽脆有口感，而軟骨位置都整得好入味，啱曬一大班人飲酒時佐酒呀😉
繼續閱讀