INN - I’m Not Nothing

營業中

休息中

放假同屋企人想chill吓再行吓街，見INN又好近D2，Menu又幾啱我哋口味，今日就揀呢間食晏。叫咗兩份lunch set，燒美國豬肉眼扒伴蘋果果醬$138同香煎北海道帶子龍蝦汁扁意粉$138，跟餐飲，我哋叫咗一杯凍檸茶同梳打水。燒美國豬肉眼扒伴蘋果果醬，我個人覺得煎得幾好，肉眼扒嘅外皮煎得好香，肉質嫩滑，都幾juicy，加埋蘋果果醬，口感清新。而伴碟嘅配菜都好豐富，有烤粟米、薯角、翠玉瓜同蕃茄等，亦有食用花嘅裝飾，望落勁colourful，打卡一流。香煎北海道帶子龍蝦汁扁意粉，帶子煎得幾好食，又係外皮香脆，裏面彈牙，唔錯。龍蝦汁都幾啱我口味，濃郁得嚟唔會話太鹹，意粉都好掛汁，吸晒龍蝦湯汁，推介餐聽環境都幾靚，坐得幾舒服，亦都見到啲萬聖節裝飾，佈置有誠意。