影片
更多
2020-12-28
234 瀏覽
當做大位，做經理既都話：你黎唔黎都唔緊要，我都有糧出—— 咁，仲有咩好講？ 賴無人賣野，咁鬼叫你要慳人手，傳菜唔夠，樓面又唔夠，明明二人限聚令，但黎親揾位就好似乞食咁，咁梗係啦，既然都唔憂做咁，阿經理自己既熟客（or 大客？），就打個電話幫個客落單，親自行出行入，獨家服務，驟眼睇，碟飯炒出黎都大碟過其他人。 其實，“疫情”、限聚底下，座位仍然可以安排不善，任坐任霸位，上樑不正就下樑歪，連所謂既經理服務都咁不周，做生意做到咁晦氣，咁又何必開門搏人“妖”，為左份二分四既糧，去做個隻南乳吊燒雞？ 再者，一間公司，揾一個水平低既人管理，佢既水凖亦自然好有限，，唔係眼闊肚窄，就係得把口，吹水無得頂，往往雷聲大雨點小。 正如“家用”有幾多，可以發圍既地方就有幾多，有d地方可以，但好多地方慳極有限，要出水、要走油，唔通為左慳，唔做呢個步驟。 傳菜有兩個精英，其中一位，可謂傳菜員工當中最醒最精叻，嬌小玲瓏，耳聰目明，好有禮貌。但始終都係無用，幾搏命都顯得有心無力，因為樓面，收銀都認真好廢。 奈何老媽唔識轉彎，加上識得既茶友通常聚曬係度，佢就係都要黎呢度，甚至可以黎足7日飲下午茶，真係
咁，仲有咩好講？
賴無人賣野，咁鬼叫你要慳人手，傳菜唔夠，樓面又唔夠，明明二人限聚令，但黎親揾位就好似乞食咁，咁梗係啦，既然都唔憂做咁，阿經理自己既熟客（or 大客？），就打個電話幫個客落單，親自行出行入，獨家服務，驟眼睇，碟飯炒出黎都大碟過其他人。
其實，“疫情”、限聚底下，座位仍然可以安排不善，任坐任霸位，上樑不正就下樑歪，連所謂既經理服務都咁不周，做生意做到咁晦氣，咁又何必開門搏人“妖”，為左份二分四既糧，去做個隻南乳吊燒雞？
再者，一間公司，揾一個水平低既人管理，佢既水凖亦自然好有限，，唔係眼闊肚窄，就係得把口，吹水無得頂，往往雷聲大雨點小。
正如“家用”有幾多，可以發圍既地方就有幾多，有d地方可以，但好多地方慳極有限，要出水、要走油，唔通為左慳，唔做呢個步驟。
傳菜有兩個精英，其中一位，可謂傳菜員工當中最醒最精叻，嬌小玲瓏，耳聰目明，好有禮貌。但始終都係無用，幾搏命都顯得有心無力，因為樓面，收銀都認真好廢。
奈何老媽唔識轉彎，加上識得既茶友通常聚曬係度，佢就係都要黎呢度，甚至可以黎足7日飲下午茶，真係悶到嘔。
下午茶，大中小點一律＄17，有d就＄15.8，而家有d炒粉麺，賣＄45，整體黎講，話平唔平，只係香港仔，街坊就腳，坐下飲下傾下咁解，論食物，未必好過“包點XX”，或者茶餐廳。
酒樓式徵，夕陽西下，真係自己攞黎。今時今日咁既服務態度依舊，咁就只能懷舊，留返係歷史當中。
今時今日，食點心，可以外賣，可以餐廳，更可以豪少少，選擇點心自助餐，好多只係＄128，食得幾多，食得幾貴。
一係就“限選”，款式唔洗太多。下午茶時段，收＄68，好似好多素食自助餐，清得幾多得幾多，好過賣剩做垃圾。（除非佢明天翻蒸再賣）。講真，一般酒樓貨源，靚得去邊，咪又係急凍冰鮮。
時已勢逆，今時唔同往日，有“西臉”，好有性格既人，真係唔太應該揀面對人既工，因為咁勉強，對人對己，都係負擔，都唔會有幸福。
既然你有你既世界，請你留返你既圈圈，或者，應該與世界隔絕？
龍薈龍薈，淺水浸唔住蛟龍，係龍就識飛上天啦。
張貼