皇朝明珠

營業中

休息中

趁假期又天朗氣清, 約父母一同出行去新界遊車河, 至約下午一點途經大埔三門仔, 一於搵間好D嘅餐廳孝敬父母, 首先這餐廳的停車場有免費泊車, 而且戶外座位更可享無敵吐露港景, 面向八仙嶺, 實在冇得輸, 雖然父母怕熱想坐室內, 但是窗口位仍然可以遠眺八仙嶺, 待應殷勤的招呼, 點心菜式甚多選擇, 剛才入餐廳時看見大廚烤乳豬, 當然必須一試, 果然皮脆肉香, 另外見有一個鮑翅羹也不算貴, 當然都試, 上枱時認真豪華整套餐具都燙晒金包括匙羹, 雖然份量不大, 但正正可供大家淺嘗, 另外有款金魚餃拼野菌餃伴高湯, 買相簡直贏晒, 其餘的點心都質素甚高, 物有所值, 特別一提甜品點心也不容錯過, 那個雪山流沙包及紅棗糕都夠其他餐廳美味, 父母認真滿意這頓下午茶, 大家用餐後, 又再繼續我們新界遊的下半部分啦。