影片
更多
2018-04-10
646 瀏覽
遲睡遲起. 見佢門面裝修整潔, 於是決定入去食個set lunch, 坐落之後發現環境的確唔錯。 點左 "全日早餐+regular coffee" 及 "西蘭花大蝦意粉+蘋果汁", 跟手話全日早餐個牛角包賣哂, 可以轉pancake, 都好呀。 跟餐杯regular coffee個人認為可以再熱些少。 跟手黎兩份主食都係微暖偏涼, 十分適合飢腸轆轆或喜愛狼吞虎嚥的人仕。 -全日早餐 原粒未解凍牛油搽在微暖偏涼的pancake上基本上無法溶解, 可以節省搽牛油的時間, 抵讚! 波菜約有5-6塊菜葉, 焗豆約有2平鐵匙份量, 適合胃口不大的女仕, 十分細心! 條腸睇得出有用心去追上市場水平, 值得鼓勵! 煙肉似乎用左創新既清蒸法去除多餘油脂, 唔熱氣, 食得夠健康! 炒蛋屬意外驚喜, 幾滑! -西蘭花大蝦意粉 大蝦估計先以白灼處理, 再和意粉及醬料混和, 由於醬料濃淡味道恰到好處, 全無遮蓋大蝦的鮮味及意粉的優質麵粉味, 夠鮮! 西蘭花經過十分用心的切碎製作, 每啖都可品嘗到西蘭花特有的清甜, 十分細心! 埋單 $93+$73, 仲要+10% 後尾發現原來假期比閒日仲要貴接近$10/set
點左 "全日早餐+regular coffee" 及 "西蘭花大蝦意粉+蘋果汁", 跟手話全日早餐個牛角包賣哂, 可以轉pancake, 都好呀。
跟餐杯regular coffee個人認為可以再熱些少。
跟手黎兩份主食都係微暖偏涼, 十分適合飢腸轆轆或喜愛狼吞虎嚥的人仕。
-全日早餐
原粒未解凍牛油搽在微暖偏涼的pancake上基本上無法溶解, 可以節省搽牛油的時間, 抵讚!
波菜約有5-6塊菜葉, 焗豆約有2平鐵匙份量, 適合胃口不大的女仕, 十分細心!
條腸睇得出有用心去追上市場水平, 值得鼓勵!
煙肉似乎用左創新既清蒸法去除多餘油脂, 唔熱氣, 食得夠健康!
炒蛋屬意外驚喜, 幾滑!
-西蘭花大蝦意粉
大蝦估計先以白灼處理, 再和意粉及醬料混和, 由於醬料濃淡味道恰到好處, 全無遮蓋大蝦的鮮味及意粉的優質麵粉味, 夠鮮!
西蘭花經過十分用心的切碎製作, 每啖都可品嘗到西蘭花特有的清甜, 十分細心!
埋單 $93+$73, 仲要+10%
後尾發現原來假期比閒日仲要貴接近$10/set
小店要加油啊
張貼