Cafe 360 (已結業)

未到11點，已經開左啦，但只提供午餐，冇早餐既。午餐係免加一，包一杯飲品。跟餐加$15可以有酥皮湯。另可以加錢配小食。叫左個炸雞，窩夫配蕃茄螺絲粉餐，同一份all day breakfast 試下。餐飲有冷泡葡萄茶，紅豆冰或熱茶選擇，亦可以加$9轉特飲。食物賣相相當吸引，份量都唔少。味道都相當唔錯。炸雞脆，窩夫外脆內軟。炒蛋滑，淡淡黑松露味，雜菇牛油味濃，但可惜炸魚偏油。叫左葡萄茶試試，茶有葡萄味，但係係冇甜味，只有茶味，好特別。唔中意飲甜野既朋友最合適啦。