影片
更多
2023-04-30
278 瀏覽
今日朋友帶我去搵好嘢食，嚟到金鐘星街，呢度有好多間特色餐廳，去到呢間食正宗意大利Pizza嘅，我哋食brunch set 。每個set包咗一個appetizer ，一個Pizza再加甜品，嘢飲可以再加錢。我哋每個set都order唔同嘅嘢, 一齊share 。PORCHETTA TONNATA第一次食呢款appetizer , 呢種係意大利嘅豬腩火腿加上吞拿魚味嘅蛋黃醬，肉質爽滑，口感creamy, 但唔會感覺好heavy。ROCKET SALAD火箭菜加上清甜紅菜頭做嘅沙律，上面鋪咗Parma Ham，以橄欖油同少少海鹽調味。Parma Ham 有兩大片，質素幾好，完全冇筋唔渣，咸度適中，入口有少少溶化嘅感覺。NDUJA到主角出場，呢個係辣肉腸pizza，個Pizza切開有六件，每件都有一大片嘅辣肉腸，呢隻辣肉腸微辣，好惹味，加上茄醬同芝士，味道好夾，味蕾幾刺激。個Pizza餅底口感煙韌帶嚼勁，好實在嘅感覺，都幾飽肚，而且好香麵粉味。個Pizza嘅邊位烘到外脆內軟，沾上特製嘅辣椒油，同埋辣椒食，另有一番風味。BREAKFAST CARBONARA呢個Pizza好特別，係意粉carbo
PORCHETTA TONNATA
第一次食呢款appetizer , 呢種係意大利嘅豬腩火腿加上吞拿魚味嘅蛋黃醬，肉質爽滑，口感creamy, 但唔會感覺好heavy。
ROCKET SALAD
火箭菜加上清甜紅菜頭做嘅沙律，上面鋪咗Parma Ham，以橄欖油同少少海鹽調味。Parma Ham 有兩大片，質素幾好，完全冇筋唔渣，咸度適中，入口有少少溶化嘅感覺。
NDUJA
到主角出場，呢個係辣肉腸pizza，個Pizza切開有六件，每件都有一大片嘅辣肉腸，呢隻辣肉腸微辣，好惹味，加上茄醬同芝士，味道好夾，味蕾幾刺激。個Pizza餅底口感煙韌帶嚼勁，好實在嘅感覺，都幾飽肚，而且好香麵粉味。個Pizza嘅邊位烘到外脆內軟，沾上特製嘅辣椒油，同埋辣椒食，另有一番風味。
BREAKFAST CARBONARA
呢個Pizza好特別，係意粉carbonara 嘅材料做，每一件Pizza上面都有Pancetta ，佢係一種意大利豬腩肉醃製類似煙肉嘅肉片，另外仲有薯仔片，芝士，同鵪鶉蛋。最特別嘅係食之前係會淋上楓糖漿。Pancetta烘到金黃香脆，少少焦脆，勁香口，配合埋鵪鶉蛋嘅蛋液，加上芝士同埋甜甜地嘅楓糖漿，味道好特別，從來未試過咁樣食pizza，正。
PICI TIRAMISU
呢度嘅tiramisu好出名，口感creamy幼滑，中間濕潤嘅蛋糕充滿咖啡香味，甜度適中。
PIZZA NUTELLA
新鮮熱辣嘅冬甩，外脆內鬆化，仲有啲玉桂香，冬甩上唧滿Nutella 再灑上榛子碎，勁邪惡。
總括而言，呢度嘅Pizza全部即叫即做，都好好味，餐廳環境幾好，吧枱，卡位，露天都有座位，裝修得幾靚，好適合假日去chill下。
張貼
