影片
更多
2022-11-26
582 瀏覽
忙碌嘅一周終於完結，趁住周末梗係要充吓電啦😎。今日我哋就去咗大嶼山愉景灣，除咗喺中環坐船，亦可以由東涌站或欣澳站搭巴士前往，幾方便㗎。愉景灣風景怡人，初秋天氣清爽舒適，遠眺愉景灣北商場同愉景灣酒店，猶如歐洲小鎮景色。酒店旁邊嘅海濱禮堂更加係情侶打卡勝地，好適合情侶共度平靜悠然嘅一日。完美嘅一日梗係要完美嘅一餐作結，愉景灣酒店推出大澳主題自助晚餐，充滿香港特色風味，唔可以錯過。我哋未夠六點就到咗餐廳，落地玻璃加上採光充足，好有度假休閑感覺，食得輕鬆愜意。冷盤方面，麵包蟹多膏；鱈場蟹腳雪白蟹肉中帶海水咸香，鍾意食蟹膏定蟹肉都必定滿足。刺身有五款選擇，我鍾意三文魚夠肥美；鯛魚就夠juicy鮮甜。熱盤方面就幾特別，【蘋果芥末烤豬柳】同【法式油封鴨】都係比較少喺自助餐見到嘅。即切肉類都幾多選擇，【燒西冷牛肉】肉色粉嫩，【德國脆豬手】皮脆肉嫩，仲有【香蒜百里香烤羊腿】都有唔少人排隊攞。大澳主題方面，首推即煮大蜆。有三種唔同煮法：豉椒炒最惹味、大頭菜油鹽水浸最鮮味，香辣蒜香橄欖油就最刺激最引起食慾。全晚都不斷有人排隊，辛苦晒廚師啦。另外幾款大澳美食都唔錯，【大澳生曬鹹蛋黃脆魚皮】夠晒香脆，鹹蛋黃鹹香
愉景灣風景怡人，初秋天氣清爽舒適，遠眺愉景灣北商場同愉景灣酒店，猶如歐洲小鎮景色。酒店旁邊嘅海濱禮堂更加係情侶打卡勝地，好適合情侶共度平靜悠然嘅一日。
完美嘅一日梗係要完美嘅一餐作結，愉景灣酒店推出大澳主題自助晚餐，充滿香港特色風味，唔可以錯過。
我哋未夠六點就到咗餐廳，落地玻璃加上採光充足，好有度假休閑感覺，食得輕鬆愜意。
冷盤方面，麵包蟹多膏；鱈場蟹腳雪白蟹肉中帶海水咸香，鍾意食蟹膏定蟹肉都必定滿足。刺身有五款選擇，我鍾意三文魚夠肥美；鯛魚就夠juicy鮮甜。
熱盤方面就幾特別，【蘋果芥末烤豬柳】同【法式油封鴨】都係比較少喺自助餐見到嘅。即切肉類都幾多選擇，【燒西冷牛肉】肉色粉嫩，【德國脆豬手】皮脆肉嫩，仲有【香蒜百里香烤羊腿】都有唔少人排隊攞。
大澳主題方面，首推即煮大蜆。有三種唔同煮法：
豉椒炒最惹味、大頭菜油鹽水浸最鮮味，香辣蒜香橄欖油就最刺激最引起食慾。全晚都不斷有人排隊，辛苦晒廚師啦。
另外幾款大澳美食都唔錯，【大澳生曬鹹蛋黃脆魚皮】夠晒香脆，鹹蛋黃鹹香味十足；【大澳蝦醬雞翼】大澳蝦醬咁出名，就算係香港人都會買嘅大澳手信-蝦醬，配皮脆肉嫩嘅雞翼好夾；【大澳蝦膏雞蛋仔】將大澳名產融入香港街頭小食，有創意，先甜後鹹味道都幾特別。
最後點少得甜品，有細細件嘅cake同埋必食嘅Movënpick雪糕，結束完美嘅一餐。
張貼
