Plato Cafe & Bistro (彌敦道) (已結業)

經開油麻地上咗嚟呢度食嘢，星期日星期日都幾多人，因為佢嘅午餐唔貴，$68至$128 加一，午餐 包是日餐湯、蒜蓉法包 及 包一杯$34飲品。我哋嗌左兩個午餐：《 溫泉蛋香脆煙肉卡邦尼扁意大利粉 $88 》份量多，幾creamy，有菇肉同煙肉碎。煙肉碎脆脆哋亦幾香口。一個人食晒都幾飽。《 香煎三文魚柳配松露忌廉汁 （自選薯條）$112 》三文魚有少少乾但係配左松露醬就會好味啲。三文魚下有翠玉瓜舖底，沙律菜落咗黑醋開胃。熱奶茶 凍檸茶（差價補$4）加$38就有心太軟，要大約15分鐘時間製作，所以我哋落單嗰時就叫埋。有流心效果，幾正，加埋雪糕一冷一熱仲正，不過會幾膩下。