Dear Neighbor

營業中

休息中

比佢簡約工業風所吸引果日係星期日2點幾餐廳不設限時，樓上好闊落，其中一張枱係榻榻米，適合三五知己優閒地相聚一個下午。不過我地上左樓上睇餐牌再行返落地下落單，唔太方便。當日人手不足，得老闆一個整野食，所以出餐比較慢，等左25分鐘左右先齊，甚至有執枱都執唔切。凍Hojicha Latte好濃焙茶味 好滑不過要keep住攪拌，好快有沈澱，變左飲到底會更加濃味。All day breakfast色彩繽紛嘅presentation好吸引🤩當日冇晒三文魚轉左火腿，都ok，唔會太鹹個炒蛋好嫰滑蘑菇炒得好香但午餐黎講男仔唔係好夠飽卡邦尼意粉當日得西西里肉醬意粉同卡邦尼意粉，咁我就揀左卡邦尼意粉。佢用左扁意粉，好入味。煙肉偏多肥肉，不過都好味😋總結﹕食物質素唔錯，我地清晒。值得一讚係老闆服務態度好好，見我地等齊食物先開動，老闆跑住過黎傳菜。埋單時有同我地講唔好意思要我地等咁耐，又有問我地食物水平如何，睇得出佢好有心想做好d。