小確幸咖啡館

營業中

休息中

沙田第一城呢個中產屋苑出色嘅餐廳寥寥可數，見到呢間小確幸咖啡館堂食有九折，就即管坐低試下。餐牌種類都唔少，走西式路線為主，揀左個蛋沙律牛角包、公司三文治兩樣。值得一提係個蛋沙律十分好食，佢加左少許黑胡椒碎就令到成個味道多左層次，有蛋香，鹹鹹甜甜又有微辛，加埋牛角包係烘暖左，完全係追住黎食。反而公司三文治因此顯得無咁出色，但餡料都好豐富，煎蛋仲帶有醣心。伴碟嘅雜果沙律間唔中食下都好有兒時回憶。熱辣辣天氣飲到咁大杯凍飲的確好消暑，有九折真心唔貴，可以再encore。