影片
更多
2016-05-02
1982 瀏覽
真心講要寫一個劣評絕對唔容易，因為我成日會覺得嘢食係廚師嘅心機，就算在唔好食都好我都會因為欣賞廚師嘅心機而覺得佢係有心做好呢件事！之但係今次我真係不得不寫呢篇劣評！是日去咗圓方睇戲，睇咗兩個幾鐘頭嘅電影之後實在肚餓，你知道圓方方圓十里都冇嘢食，都係留返係商場裏邊食最穩陣！行行吓見到呢一間泰越菜，就係因為佢呢個咁潮流嘅裝修以吸引左入去！其實我嗰一刻好想去食王子飯店，但唔知點解走咗入去呢一間餐廳！算啦既然都入咗去咁就唯有食啦！我哋叫咗生牛肉湯河同埋生菜包！惡夢就發生。佢哋嘅食物望落去十分精美，連生菜都切得好漂亮，仲有另外附上左預留辣椒碎同埋青檸，方便客人自行調味！之但係個生牛肉湯河個湯完全唔熱，浸唔熟牛肉不特止，仲要湯底由如水一樣清淡。幸好河粉係足夠嘅！最後落咗好多魚露同辣椒同埋青檸都完全調唔出牛肉嘅香味！好啦！算啦，食飽當算！點知個生菜包仲驚喜，生菜包樣貌十分討好，但係呢肉散到不行，完全冇鮮味同埋汁，第一次食生菜包竟然係好甜。同埋呢個豬肉生菜包裏邊，仲食到好大陣強烈而奇怪嘅騷味。呢種味係直情難以置信的奇怪，食咗一啖就放棄咗！其實呢兩個菜每款都要＄100左右，我好後悔無無去正斗，食個乾炒牛
真心講要寫一個劣評絕對唔容易，因為我成日會覺得嘢食係廚師嘅心機，就算在唔好食都好我都會因為欣賞廚師嘅心機而覺得佢係有心做好呢件事！
之但係今次我真係不得不寫呢篇劣評！是日去咗圓方睇戲，睇咗兩個幾鐘頭嘅電影之後實在肚餓，你知道圓方方圓十里都冇嘢食，都係留返係商場裏邊食最穩陣！行行吓見到呢一間泰越菜，就係因為佢呢個咁潮流嘅裝修以吸引左入去！
其實我嗰一刻好想去食王子飯店，但唔知點解走咗入去呢一間餐廳！算啦既然都入咗去咁就唯有食啦！我哋叫咗生牛肉湯河同埋生菜包！惡夢就發生。
佢哋嘅食物望落去十分精美，連生菜都切得好漂亮，仲有另外附上左預留辣椒碎同埋青檸，方便客人自行調味！
之但係個生牛肉湯河個湯完全唔熱，浸唔熟牛肉不特止，仲要湯底由如水一樣清淡。幸好河粉係足夠嘅！最後落咗好多魚露同辣椒同埋青檸都完全調唔出牛肉嘅香味！好啦！算啦，食飽當算！
點知個生菜包仲驚喜，生菜包樣貌十分討好，但係呢肉散到不行，完全冇鮮味同埋汁，第一次食生菜包竟然係好甜。同埋呢個豬肉生菜包裏邊，仲食到好大陣強烈而奇怪嘅騷味。呢種味係直情難以置信的奇怪，食咗一啖就放棄咗！
其實呢兩個菜每款都要＄100左右，我好後悔無無去正斗，食個乾炒牛河都冇咁嬲！另外要睇嘅就係佢哋嘅匙羹同埋叉，係超級油同超級污糟，叫餐廳侍應玩左三次都仲係咁又可以好油有漬，感受到佢哋只係收完用過的叉刀之後，就咁浸水就攞返上嚟用咁。。。
埋單＄300，你呢個質素。其實你仲響圓方度做乜？
張貼
