回憶客棧 (富臨門大廈)

營業中

休息中

今晚同個好咀刁朋友諗住去食羊腩煲，但路經呢間個名好特色叫回憶客棧嘅食肆，望下門口個餐牌見有花甲粉同燒蠔，所以就轉呔入左去食😬食品品質非常出色😋两條友叫下叫下叫左七八樣嘢，絕對可以回頭再食！佢地用app落單，每款食品都預設大中小辣、要唔要葱芫荽比人揀，所以好方便我呢啲重囗味嘅人😂🌟燒茄子超大隻唔渣流灘，舖滿惹味嘅蒜蓉同孜然粉，嘩！香到呢～重點係燒得啱啱好，連皮都食埋😆🌟招牌花甲粉起餸嘅時候係用錫包到冚一冚，一打開，鮮味湧出黎，花甲唔腥好鮮味，湯底一流，飲完唔囗乾，証明冇味精，重點重點係啲粉絲索埋啲湯，两條友係咁爭住食，最後成煲清哂，一滴不漏😂🌟燒生蠔以前好like返大陸食燒蠔，自從去唔到之後，響香港都食唔少，但嗰啲唔係過熟就過生，但呢間嘅燒生蠔令我地有驚喜，燒得恰到好處，唔會過火，而且隻隻燒到脹卜卜，勁好食😚🌟盬燒鱸魚鱸魚表皮嘅盬份量啱啱好，令到魚肉保留原鮮味，唔會過咸，而且火喉剛剛好，肉質唔乾，食落好juice😋🌟鰻魚串串/魷魚乾/燒雞腎串燒同燒物嘅質素都非常好👍🏻送酒一流其實仲有好多好多嘢食，例如：羊架、和牛、豬仔嘅肉（個名超得意）、花蟹.....可惜两條友飽到上心囗，所以決定下次再