食包 (已結業)

行過就被呢間Burger既門面吸引，好特別，用磚拼左個圖出嚟，而且open kitchen見到好乾淨，一於試下肉醬漢堡🍔漢堡扒可以選豬肉或者牛肉，入邊仲有蕃茄、芝士、生菜、美式肉醬，仲有煎流心蛋🍳，我仲貪心加左菠蘿片🍍，加左菠蘿味道係更上一層樓，多左一份清新既感覺🤩黑松露煙肉牛堡🍔呢款係牛肉漢堡扒，入邊一樣有蕃茄、芝士、生菜、煎流心蛋🍳，仲有煙肉🥓，麵包塗滿好香既黑松露醬，成個包都好正，口感層次都非常豐富薯條🍟一滿盒既薯條，份量都幾多，炸得好脆，仲有調味粉，加埋茄汁正洋蔥圈🧅洋蔥圈有九件，都算多，外脆內軟，如果跟埋沙律醬就正啦