Moodie Wine & Dine

營業中

休息中

【值得encore西班牙小酒館】．人均$3xx食6道招牌菜．對青口最高嘅讚賞一定係浸晒個汁咁食！中環呢間用深藍色做主調嘅西班牙小酒館，真係值得再encore。人均$3xx食6道菜，前菜仲要精緻又好味。有用法國牛整成嘅芝士脆卷配牛肉他他；呢款比堅尼三文治食落超多層次，細細件但入邊有黑松露、芝士同伊比利亞火腿。成晚最正嘅一定係呢個藍青口，佢有四款醬汁可以揀，店員就極力推介法式藍芝士，果然冇介紹錯，佢將Bluecheese個汁調校到人人都好容易接受到，但係又保留到好香濃嘅芝士味，我就每一隻青口都畢滿晒汁咁食。新鮮藍青口有時供應有限，所以記得要提前訂座~主菜有慢煮伊比利亞黑毛豬，半肥瘦嘅肉質，非常之腍身，跟埋呢個甜甜酸酸嘅秘製杏脯汁好夾。意粉可以三選一，呢個大蝦扁意粉蒜香辣味好出。最後嘅甜品係自家製Tiramisu，好有記憶點，咖啡味好香濃，最底仲有特濃咖啡啫喱。仲有打卡靚靚Moodie’s Pink Lemonade，Tasting menu可用優惠價$88加House White/Red wine，絕對值得再encore嘅一間小餐館。