影片
更多
2023-01-26
173 瀏覽
年三十晚約咗朋友出去食lunch，諗住去元朗食好西🤤 呢間Cafe其實我之前已經去過一次，今次諗住帶兩個朋友嚟試吓～ 點知冇留意原來呢間Cafe大部份都係兩人枱，只係得有四張平排兩人枱，可以拍埋變做兩張四人枱！如果係3-4人嚟食嘅朋友真係要留意吓🥹 要預咗等位嘅時間比較長！因為Cafe係無限用餐時間嘅（其實係好事，去得Cafe明白大家都想慢慢飲吓嘢同朋友傾吓計☺️）但係見到出面咁多人等位，希望大家都會自律食完唔好坐太耐🌝 咁啱遇正前面一張三人枱好唔識做，食完飲晒嘢仲慢慢坐勁耐！但係店員好好👍🏻 仲出嚟同我哋講佢張枱可以收嘅嘢都盡量收晒🥹🥹 但係佢哋都唔走 都冇辦法🥲 最後係等另一張遲過佢哋入去嘅四人枱走～我哋先有得坐，足足等咗2個鐘！！😫講返正題先，點解可以令到我哋等兩個鐘咁耐～～因為佢啲嘢食真係好高質！！！蟹籽蟹肉明太子忌廉意粉🦀🍝 $98今次係第一次食，啲蟹籽多到黐線㗎🥹🥹 而明太子味道都好香好濃，食落口超幸福嘅感覺啊🤤🤤🤤下次我一定一定都要Encore❤️香辣蕃茄煙三文魚意粉🍅🐟🍝 $89雖然蕃茄意粉喺出面食好似好普通，但係佢呢個少少辣辣地嘅蕃茄汁超開胃🤤 值得一讚👍🏻 而且佢嘅意粉
因為Cafe係無限用餐時間嘅（其實係好事，去得Cafe明白大家都想慢慢飲吓嘢同朋友傾吓計☺️）但係見到出面咁多人等位，希望大家都會自律食完唔好坐太耐🌝 咁啱遇正前面一張三人枱好唔識做，食完飲晒嘢仲慢慢坐勁耐！但係店員好好👍🏻 仲出嚟同我哋講佢張枱可以收嘅嘢都盡量收晒🥹🥹 但係佢哋都唔走 都冇辦法🥲 最後係等另一張遲過佢哋入去嘅四人枱走～我哋先有得坐，足足等咗2個鐘！！😫
講返正題先，點解可以令到我哋等兩個鐘咁耐～～因為佢啲嘢食真係好高質！！！
蟹籽蟹肉明太子忌廉意粉🦀🍝 $98
今次係第一次食，啲蟹籽多到黐線㗎🥹🥹 而明太子味道都好香好濃，食落口超幸福嘅感覺啊🤤🤤🤤下次我一定一定都要Encore❤️
香辣蕃茄煙三文魚意粉🍅🐟🍝 $89
雖然蕃茄意粉喺出面食好似好普通，但係佢呢個少少辣辣地嘅蕃茄汁超開胃🤤 值得一讚👍🏻 而且佢嘅意粉份量都幾大碟 唔係話一啲Cafe又貴又唔飽咗！好抵食！☺️
菠菜芝士傻仔波 配 蜜糖芥茉醬🥔🍯
呢個比較冇咁特別，但都係整得好食嘅👍🏻
自家製焦糖鮮奶咖啡☕️$60｜自家製焦糖奶奶$50
同朋友分別叫咗咖啡同埋鮮奶，都係用佢哋自家製嘅焦糖脆脆分別加落去兩杯飲品，本身唔係特別鍾意飲好苦嘅咖啡，不過呢杯係latte再加埋啲焦糖溶咗落去杯咖啡入面之後，就變得味道啱啱好，唔會太苦又有少少焦糖香味👍🏻
Hello! Tiramisu Croffle🥐🧇
親愛的提拉米蘇牛角窩夫😈
最期待就係呢個甜品，不過其實唔係好知食法，下次真係要問吓店員😂 我哋將配上嘅Espresso全部到晒落去，但係結果好似會令到個牛角窩夫太濕，而且沾上晒啲咖啡之後亦都太苦😂 但係其實整體上來講個味係好夾！好好食！或者下次應該逐少逐少咁加～ 等佢唔會一次過浸到太濕淋晒
5 瀏覽
0 讚好
0 留言
張貼
