川火堂

營業中

休息中

間唔中就會好想食啲辣嘅嘢，銅鑼灣鵝頸橋呢一帶，以前有間好好食，做咗幾十年嘅川菜，好可惜執咗。竟然比我發現係差唔多位置，開咗間新嘅川菜，座位仲幾舒服，又幾光猛，價錢仲唔算貴。2人餐 - $238手拍蒜香青瓜青瓜份量都幾多，口味唔似其他用咗鎮江醋嘅，佢係落咗白醋，蒜蓉味極香，唔會太酸，一啖一粒好滋味。經典香鍋有一款係有得自選香鍋材料，呢個跟套餐嘅叫經典香鍋，我覺得好好，因為唔使自己揀材料，佢入邊想食嘅都有，花菜、牛肉、排骨、薯仔片、蓮藕片全部都好入味好麻好辣。膠原脆皮豬手平時都唔係好會叫豬手食，因為怕麻煩。荷呢到嘅豬手，外面好脆入面又整到好稔，非常有驚喜，佢咬落口仲有啲汁流出出嚟，女好juicy, 完全感受到佢嘅骨膠原白飯食川菜白飯真係少不免，為呢餐錦上添花手工紅糖糍耙呢個紅糖糍粑，可以話係我喺香港食過嘅最好味，因為佢都放咗一段時間我哋先食，但入邊仲係軟腍腍，外面都係好脆，而且佢唔會太甜，高度推薦。熊貓冰粉非常可愛嘅一個甜品，有花生碎同埋黑糖，熊貓就係棉花糖，顏值取勝鐵板水晶粉- $98見到呢個水晶粉已經好吸引，好多椰菜洋蔥，下面仲有個煎蛋，鑊氣好夠，又唔會太油膩，水晶粉煙煙韌韌，好有咬口