心燒食堂

營業中

休息中

呢間餐廳係樓上舖，一入到去會以為自己去左居酒屋。但個晚好多人，所以我地三個人坐得好逼，同埋都幾熱，唯有當熱鬧啲啦～有個朋友未到已經叫我地嗌定三個一帶一露佢話超好食，果然無錯，啲海膽至少有成半板，帶子勁大粒，配黑松露好香。墨魚餅以為得好少，點知一上枱嚇親，成個迷你薄餅咁，不過係好食嘅再黎就係半隻龍蝦，唔算好大隻，味道正常，但因為係coupon送，所以都無咁高期望。另外蟹肉多士真係應該要做招牌菜，蟹肉份量好多，同啲蟹膏撈埋，配落多士啱啱好，如果單食就稍嫌濃味左啲其他都以燒物串燒為主，都係中上水準，配啤酒傾下計，最適合同friend吹水