影片
更多
2021-12-12
28 瀏覽
經過新填地街，見到一間車仔麵舖，被門前的抗疫價錢吸引，二話不說立即入去食番碗💪舖頭唔大，堂食座位有限，所以都有好多客人外賣自取。亦因為地方細，全程由落單收錢，煮麵到執枱，都係姨姨一人打理，動作嫻熟敏捷👍車仔餸都有好多選擇，除咗大家都熟悉嘅豬皮豬紅魚蛋之外，仲有外邊少有嘅牛什和豬什，可以配粉麵，又或者淨食。花多眼亂唔知點揀，呢度有預先配搭好的麵餐或凈食，跟住號碼落單快夾妥✌️A16 牛什粗麵$32，加菜$6牛什份量唔少，有牛肚、牛腸、牛膀，全部都夠腍又入味，內藏要用心處理得好才會好食，抵讚👍No17 沙嗲魷魚香腸魚旦豬紅蘿蔔米粉$31,加菜$6基本嘅車仔餸，好唔好食好考功夫，蘿蔔夠甜，魷魚爽口😋咪睇佢份量好似好少，食晒真係夠飽。菜肉雲吞$8/3粒呢度係2份，大大粒，味道唔錯。俾多$16，飲埋2杯凍奶茶，今時今日真係好抵食，值得大家去幫襯👍
舖頭唔大，堂食座位有限，所以都有好多客人外賣自取。亦因為地方細，全程由落單收錢，煮麵到執枱，都係姨姨一人打理，動作嫻熟敏捷👍
車仔餸都有好多選擇，除咗大家都熟悉嘅豬皮豬紅魚蛋之外，仲有外邊少有嘅牛什和豬什，可以配粉麵，又或者淨食。
花多眼亂唔知點揀，呢度有預先配搭好的麵餐或凈食，跟住號碼落單快夾妥✌️
A16 牛什粗麵$32，加菜$6
牛什份量唔少，有牛肚、牛腸、牛膀，全部都夠腍又入味，內藏要用心處理得好才會好食，抵讚👍
No17 沙嗲魷魚香腸魚旦豬紅蘿蔔米粉$31,加菜$6
基本嘅車仔餸，好唔好食好考功夫，蘿蔔夠甜，魷魚爽口😋咪睇佢份量好似好少，食晒真係夠飽。
菜肉雲吞$8/3粒
呢度係2份，大大粒，味道唔錯。
俾多$16，飲埋2杯凍奶茶，今時今日真係好抵食，值得大家去幫襯👍
張貼
