悠蔬食 (渣甸中心) (已結業)

呢間悠蔬食其實我都久仰佢大名好耐喇一望個menu 已經覺得好豐富叫一個dinner set其實已經好多野食有三款前菜又有手卷又有湯啊主菜甜品同飲品咁 先講前菜醬燒百靈菇山藥伴日本黑豆個sauce味道好好 山藥姐係平時食既生淮山爽口又好味夾埋幾甜既黑豆同脆脆既菇作為前菜真係無得輸第二款前菜係奇亞籽紫薯蘋果薯仔伴莓乾係一味好開胃好清新既沙律第三款前菜就係凱撒沙律眼前既三文魚腩其實唔係魚黎雖然係蒟蒻 但口感同味道真係好似三文魚 值得一試講完前菜講手卷我食左個蘆筍素香鬆苜蓿芽手卷值得一提係佢個香鬆 脆卜卜 好香口食落真係好爽脆湯方面我揀左中湯 姐係竹笙黃耳猴頭菇無花果百合燉湯淨係聽個名都知幾足料啦香甜唔覺有味精飲落直程feel到膠質豐富女士們可以多飲補充骨膠原啊主菜方面我揀左款日本花菇淮山栗子炆猴菇煲配珍珠糙米飯特別想講個猴菇食落真係好似食肉咁好特別我女朋友就叫左款西式野牛肝菌粒粒意粉酥皮盒配苔菜三絲脆卷一睇個賣相咁靚咁精緻就知整呢味菜應該都幾花心思個酥皮又薄又脆 包住d咁juicy既 粒粒意粉都仲保持到咁脆個脆卷食落口感好豐富食完簡直大滿足大滿足完仲有驚喜架我講緊d甜品宇治抹茶紅豆椰汁糕清新