其中一樣我好欣賞嘅係呢度個餐包，上枱微温，一打開鬆軟嘅面包，見到入面滿滿溶化緊嘅牛油🧈就心心眼😍真係邪惡，但非常難以抗拒😈
餐湯我飲羅宋湯，酸甜開胃。另外男友升級左酥皮忌廉湯，熱辣辣嘅程度真係即叫即焗嘅感覺！粟米忌廉湯超滑又充滿奶香😌
🌟招牌英國威靈頓牛柳🥩
叫咗五成熟，火候控制得好好。外層酥皮金黃香脆，肉質極鬆軟好易切開，入面重係粉嫩嘅色澤😌肉同酥皮之間係充滿油香嘅肉肝醬，口感層次豐富😌
🌟德國鹹豬手配蜜糖芥末汁
豬手超大隻，而且即炸，所以大家要有心理準備要等一等。豬手外皮好脆，肉同皮之間啲骨膠原係最正🤣點埋秘製蜜糖芥茉汁非常惹味！
而家懷舊扒房真係買少見少，有機會大家真係要多啲幫襯，保留呢種傳統嘅味道！
18
