漢間

營業中

休息中

第一次食呢間漢堡店，經過見到都幾多學生食，叫左夏間，煙肉唔會過鹹，牛肉好香好juicy，有菠蘿好fresh甜甜地，層次好豐富，burger係呢隻包表面光滑質地好軟熟。另外，冬陰蝦堡真材實料，食到粒粒蝦仁，食得出好彈牙 ，再加埋冬陰功味，香辣好惹味。食咗咁多肉梗係要叫番蔬菜中和下，減少油膩感，叫左雞扒牛油果柚子沙律&柚子鴨胸沙律，雞扒煎過好香，柚子一大嚿好甜，配埋柚子沙律醬好fresh。每款漢堡包均可另加$16-30升級至套餐套餐包薯條/沙律/薯餅/雞翼加飲品，薯條即炸，炸得又熱又脆，單骨雞翼食起好方便，整體高於連鎖快餐店的水準不妨一試。