影片
更多
2022-09-07
2704 瀏覽
呢間油麻地越南菜聽講日日都排長龍，難得平日放假所以喺開門前十五分鐘嚟排隊，十二點一開舖就有得入座。餐牌上選擇唔算多，主食加埋小食只有13款。因為唔太肚餓，所以只係叫兩碗粉都夠，下次再嚟試埋啲小食。第一次嚟當然要食招牌牛柳粉，招牌牛柳牛丸河表面放滿香草同青蔥，比想像中大碗，而且出晒煙熱辣辣。配菜除咗平時食pho一定有嘅青檸同辣椒粒，仲有油炸鬼，好特別！牛骨湯底清澈透明一啲都唔油膩，味道甘醇，明顯走清淡路線。河粉爽滑吸收晒湯底同香草香味牛柳肉質鮮嫩肉味濃郁，牛丸咬開有肉汁油炸鬼吸湯力強，一浸落湯就吸晒牛骨湯嘅鮮甜味。越發另一個招牌菜就係有奧巴馬撈檬之稱嘅碳燒豬肉伴檬粉。檬粉同湯係分開上，食法同日本沾麵類似，將一口檬粉放入湯汁，然後一啖食晒。第一次食呢種檬粉感覺有趣。將九層塔、薄荷同芫茜撕碎放入湯汁，香草香氣同酸甜湯汁非常配搭湯汁味道酸酸甜甜非常開胃，碳燒豬肉碳燒味濃郁，仲有一件豬肉丸，同樣都係碳燒味濃，好好味熱情果梳打用上越南直送嘅熱情果，味道酸甜好清新唔會太甜，好啱夏天飲整體嚟講食物質素高，食咗兩款粉都好滿意。食得出小店用料新鮮而且對出品有要求，難怪一直都咁高人氣經常要等位。下次一定會再
餐牌上選擇唔算多，主食加埋小食只有13款。因為唔太肚餓，所以只係叫兩碗粉都夠，下次再嚟試埋啲小食。
招牌牛柳牛丸粉
44 瀏覽
0 讚好
0 留言
招牌牛柳牛丸粉
65 瀏覽
0 讚好
0 留言
碳燒豬肉伴越南檬粉
54 瀏覽
1 讚好
0 留言
碳燒豬肉伴越南檬粉
51 瀏覽
2 讚好
0 留言
碳燒豬肉伴越南檬粉
75 瀏覽
0 讚好
0 留言
湯汁味道酸酸甜甜非常開胃，碳燒豬肉碳燒味濃郁，仲有一件豬肉丸，同樣都係碳燒味濃，好好味
越南熱情果梳打
64 瀏覽
0 讚好
0 留言
整體嚟講食物質素高，食咗兩款粉都好滿意。食得出小店用料新鮮而且對出品有要求，難怪一直都咁高人氣經常要等位。下次一定會再嚟幫襯，試下其他小食！
張貼
