海街丼 (北角匯二期)

營業中

休息中

嗰晚同老公到北角匯搵嘢食，見到有一間幾靚嘅日式丼飯店，裝修好日式，便決定入去試一試！我哋坐喺窗邊卡位，感覺係幾舒服，我同老公點左「特上海寶丼」裏面有10種不同嘅海鮮，有海膽、甜蝦、吞拿魚、油甘魚、章魚、穴子、蛤蜊、小扇貝、雪場蟹、鮭魚子。師傅同我哋講佢哋跟足日本做法會將所有魚生切粒調好味、再將材料滿滿咁加上嗰熱飯度，所以加埋勁大碗囉！😂跟住店員仲同我哋介紹海街丼特有食法，就係「一丼三食」！首先係配豉油Wasabi食出海鮮嘅鮮味，第二式就係配上佢哋特調嘅「醋啫喱」，慢慢加落個熱飯融咗佢，調返個壽司飯嘅酸味出嚟！第三食就係食到剩返三份一嘅時候，就可以加上佢哋嘅「魚介出汁」，原來係鯛魚湯嚟㗎，連埋三款配料（米果、芝麻、紫菜）作茶漬飯嘅食法！唔同層次嘅食法真係好特別又好美味！我哋仲叫咗凍辣蕃茄，酸酸辣辣凍冰冰好惹味，另外仲叫咗豆腐胡麻沙律，沙律嗰分量仲比我想像中大好多添！不過餐廳冇乜甜品選擇，如果加返多啲日式甜品就更加好啦！整體來講呢間餐廳比我嘅感覺真係唔錯，價錢又ok，期待下一次再嚟試吓其他嘅魚生飯同小食。