杏甜品 (香檳大廈) (已結業)

上次試完旺角新店之後覺得呢間嘢超好食，今次經過尖沙咀店再encore， 呢間個舖位大個旺角店好多， 不過裝修風格就差不多，都係行溫馨小品風。 睇唔明menu我覺得佢同旺角新店有少少唔同, 糖不甩冇得單點， 只可以加配 ，其他大部分都一樣。我哋叫咗芒椰木蓮凍同椰皇桃膠雙皮奶， 上次覺得糖不甩好好食所以再加配咗個糖不甩。 芒椰木蓮凍真係超好食， 木蓮凍其實好似涼粉咁， 裹面配咗椰果，芒果雪糕， 青鑽，四色小芋圓， 同芒果汁， 基本上呢個配搭冇得輸， 芒果汁椰果同雪糕本身就好配搭， 我比較surprise係芒果汁同小芋圓原來都幾夾， 佢嘅小芋圓煙煙靭靭， 帶點點芋香味幾好食。至於椰皇桃膠雙皮奶，裏面有超多桃膠， 奶香味好重， 而且雙皮奶超滑， 最尾仲可以食埋佢嘅椰皇肉， 感覺好滋補。 糖不甩就唔使講，上次食已經覺得佢煙煙韌韌配埋花生好好食，尖沙咀店亦都冇令我失望。