Cafe Addict (已結業)

個日同朋友去開佐敦，見有間新開嘅cafe,就入咗去試吓。我哋點咗Dinner for Two嘅set,因為見menu嘅迷你蛋糕好吸引，個set包埋甜品。玉子燒早餐日本蛋製玉子燒冇令人失望，煮得啱到好處又帶住蛋香。南瓜薯餅炸得表面金黃，外脆內軟，但唔會好油膩，食落去熱辣辣好香口。新鮮嘅沙律菜同車厘茄配埋日本柚子醋又係非常開胃。雜菌同香草豬肉腸正常發揮，酸種麵包食落好軟身，對麵包有要求嘅朋友應該會滿意。日本刺身帶子 明太子 長通粉長通粉嘅調味好好，配埋蝦乾都唔會好咸，值得一提的是帶子刺身煎嘅火力控制得一流，成功帶出帶子嘅鮮味。烏龍茶草莓撻甜品迷你蛋糕有三款選擇，烏龍茶草莓撻值得推介，表面嘅烏龍茶creamy但唔會太甜，下面嘅草莓撻唔會好易散，加埋草莓食質感好出色。海妖提拉米蘇另一個甜品亦高質，成個提拉米蘇食落好有層次，食得出用咗海妖香料黑薗姆酒，絕對唔會後悔加錢升級。抹茶鮮奶抹茶鮮奶拉花好靚，喝落去帶住濃厚嘅抹茶清香味，同其他餐廳唔同，呢杯唔會帶糖嘅甜味，只有純正嘅茶香。『黄』燕麥奶昔奶昔飲得出係新鮮製作，帶住芒果、香蕉、金奇異果嘅味道，配合Calpis有一種好清新健康嘅感覺。餐廳環境舒適