影片
更多
2021-08-09
702 瀏覽
一訪再訪嘅Frites，其實係連續兩個嘅booking一個喺灣仔食晚餐，一個喺北角食早午餐因為之前食過覺得啲嘢食唔錯，所以想再食。之前都係喺呢間食晚餐，意粉整得好食，雞扒焗薯都好大份，兩個人都食唔晒。今次黎食早午餐，因為一直都對豐富嘅早餐有情意結，尤其星期六日，難得放假就想嘆個好食嘅早餐。先講餐廳環境，其實同灣仔一樣有啲逼，尤其四人枱夾硬間做二人枱，兩個人去食就注定要搭枱本身我哋2個人坐低都幾好嘅，當時仲早，人唔算多之後有個六人團體，其中4個一張枱，另外2個同我哋搭枱，麻煩就黎啦，搭枱嗰2個男人係咁un 黎un 去伸手過去4個人嗰邊夾嘢食，我哋坐喺一邊想靜靜地享受個早午餐都做唔到，真係有啲失望今次叫咗Big Breakfast 同炒蛋蘆筍煙三文魚，另外叫咗菠蘿汁同埋一杯Cappuccino唔知點解明明我哋到先、叫嘢食先，但係隔離枱會有嘢食先，到我哋追，佢哋先加速送出嚟。先講Big Breakfast，啲菇係凍嘅🥲，個蛋係暖嘅🥲唔講溫度，個菇係炒得香嘅，不過凍咗扣咗分蛋我哋揀咗Poached egg，不過有少少overcook，個蛋黃有少少熟咗🥲下面配嘅蕃茄一塊好甜，一塊正常，唔酸，但係
一個喺灣仔食晚餐，一個喺北角食早午餐
因為之前食過覺得啲嘢食唔錯，所以想再食。
之前都係喺呢間食晚餐，意粉整得好食，雞扒焗薯都好大份，兩個人都食唔晒。
今次黎食早午餐，因為一直都對豐富嘅早餐
有情意結，尤其星期六日，難得放假就想嘆個好食嘅早餐。
先講餐廳環境，其實同灣仔一樣有啲逼，尤其四人枱夾硬間做二人枱，兩個人去食就注定要搭枱
本身我哋2個人坐低都幾好嘅，當時仲早，人唔算多
之後有個六人團體，其中4個一張枱，另外2個同我哋搭枱，麻煩就黎啦，搭枱嗰2個男人係咁un 黎un 去伸手過去4個人嗰邊夾嘢食，我哋坐喺一邊想靜靜地享受個早午餐都做唔到，真係有啲失望
今次叫咗Big Breakfast 同炒蛋蘆筍煙三文魚，另外叫咗菠蘿汁同埋一杯Cappuccino
唔知點解明明我哋到先、叫嘢食先，但係隔離枱會有嘢食先，到我哋追，佢哋先加速送出嚟。
先講Big Breakfast，啲菇係凍嘅🥲，個蛋係暖嘅🥲
唔講溫度，個菇係炒得香嘅，不過凍咗扣咗分
蛋我哋揀咗Poached egg，不過有少少overcook，個蛋黃有少少熟咗🥲
下面配嘅蕃茄一塊好甜，一塊正常，唔酸，但係都唔特別甜
個sourdough 係好食嘅，不過四季酒店嘅應該好食啲
香腸啲肉好爛，一啲都唔好食，早餐腸嘅供應商一定有更好嘅選擇
茄汁豆係自己煮嘅，比起Brick Lane 用罐頭，佢哋一定更加有誠意，係香同偏酸嘅，相對開胃
再到炒蛋蘆筍煙三文魚，炒蛋老咗少少，蛋味唔算濃，勝在夠大份
蘆筍好嫩，唔會苦或者有渣，係唔錯嘅
煙三文魚係正常水準，唔會係坊間偏咸嘅英國煙三文魚
至於果汁就無乜特別啦，反而係杯Cappuccino，唔知點解咖啡配白糖比我，我落咗先知，真係頭都暈
杯啡算係好飲嘅，但$40一杯就真係細杯咗少少⋯
以我所知，咖啡加奶應該未貴到要咁細杯呀？😅
加上兩杯嘢飲都係我哋叫完就上，所以食到尾，我杯啡就變哂味🥲
呢一點好失分呀🥲🥲
張貼
