影片
更多
2021-09-21
27 瀏覽
朋友聚會約食放題雞煲，見到話無限時，一口價，仲要冇加一！？真係咁抵咁正🤩？真係要試下性價比係點先！第一次食呢間，朋友預先book定，原來係舊式嘅冬菇亭。去到唔使點等就有位，地方闊落，都坐得幾舒適。拎起張點餐紙，首先叫咗$198任食嗰個雞煲串燒火鍋套餐。原本呢個價錢都有定心理準備會唔會伏伏地，但雞煲竟然有驚喜！我哋叫咗小辣，雞肉唔單止嫩滑，仲要非常入味，醃料味道唔錯，撈埋入我最鍾意食嘅洋蔥同芫荽，一個字，正😆串燒就每人有四串，最估佢唔到係海鮮類有原隻扇貝？！牛肉又有得揀安格斯牛，唔係唔叫吧？第一次試安格斯肩胛位，肉味濃啲，又唔會好肥膩。又有和牛肉眼食，其他火鍋配料嘅鍋物都係平日食到嗰啲啦，不過以呢個價錢來講都算唔錯啦。總括嚟講呢個套餐性價比高，好適合同朋友聚會去食。雖然款式唔係多到有選擇困難症嗰種，但個個都會搵到啱自己食嘅嘢，啱晒唔同人嘅口味之餘，味道又好，最緊要係個個都食得開心呢！
朋友聚會約食放題雞煲，見到話無限時，一口價，仲要冇加一！？真係咁抵咁正🤩？真係要試下性價比係點先！
第一次食呢間，朋友預先book定，原來係舊式嘅冬菇亭。去到唔使點等就有位，地方闊落，都坐得幾舒適。拎起張點餐紙，首先叫咗$198任食嗰個雞煲串燒火鍋套餐。原本呢個價錢都有定心理準備會唔會伏伏地，但雞煲竟然有驚喜！我哋叫咗小辣，雞肉唔單止嫩滑，仲要非常入味，醃料味道唔錯，撈埋入我最鍾意食嘅洋蔥同芫荽，一個字，正😆
串燒就每人有四串，最估佢唔到係海鮮類有原隻扇貝？！牛肉又有得揀安格斯牛，唔係唔叫吧？第一次試安格斯肩胛位，肉味濃啲，又唔會好肥膩。又有和牛肉眼食，其他火鍋配料嘅鍋物都係平日食到嗰啲啦，不過以呢個價錢來講都算唔錯啦。
總括嚟講呢個套餐性價比高，好適合同朋友聚會去食。雖然款式唔係多到有選擇困難症嗰種，但個個都會搵到啱自己食嘅嘢，啱晒唔同人嘅口味之餘，味道又好，最緊要係個個都食得開心呢！
張貼
