影片
更多
2019-07-07
113 瀏覽
朋友講話元朗有間日式鐵板燒Omakase相當唔錯，呢日特意同另一半嚟試下，我哋揀咗個特選二人餐 ($2080)。侍應先送上沙律，爽脆蓮莖、小番茄、粟米粒和沙律菜，配上日式胡麻醬，開胃清新。黑松露三文魚籽蒸蛋 - 大廚將蛋漿放入清酒杯以鐵板蒸熟，表面加上漬過的三文魚籽及幽香黑松露，精緻又好食！香煎帶子配燴冬瓜 - 將大大粒刺身級帶子表面略為煎香，裏面仍然保持到帶子嘅緊緻鮮甜，加上以鮮甜帶子燴成嘅軟腍冬瓜片，整道菜式鮮味非常。香煎日本北海道蝦夷鮑 - 蝦夷鮑大隻新鮮，廚師將鮑魚稍為煎香，建議先嚐嘅原味，十分鮮甜，口感爽軟。再配上由鮑魚膽熬制味道鮮甜濃郁嘅醬汁，令人一試難忘！甘鯛配南瓜海膽忌廉醬，大廚以半煎炸嘅方式將甘鯛魚的魚鱗炸至鬆化香脆，魚肉依然能夠保持爽滑緊致，配上香滑嘅南瓜海膽忌廉醬，味道鮮美，口感豐富。東南亞龍蝦 - 大廚三兩下手勢在鐵板上將龍蝦拆殼，龍蝦肉外層煎香，蝦肉裏面保留刺身食法，食落除咗煎香嘅龍蝦鮮味外，同時亦有龍蝦刺身嘅鮮甜味，鮮味同口感有層次。鵝肝多士 - 鵝肝面煎得帶點脆身，入面香滑無筋，有點入口即溶嘅感覺，鵝肝味濃郁，毫無油膩感。再加上藍莓及冰凍嘅菠蘿粒，相當好食
侍應先送上沙律，爽脆蓮莖、小番茄、粟米粒和沙律菜，配上日式胡麻醬，開胃清新。
黑松露三文魚籽蒸蛋 - 大廚將蛋漿放入清酒杯以鐵板蒸熟，表面加上漬過的三文魚籽及幽香黑松露，精緻又好食！
香煎帶子配燴冬瓜 - 將大大粒刺身級帶子表面略為煎香，裏面仍然保持到帶子嘅緊緻鮮甜，加上以鮮甜帶子燴成嘅軟腍冬瓜片，整道菜式鮮味非常。
香煎日本北海道蝦夷鮑 - 蝦夷鮑大隻新鮮，廚師將鮑魚稍為煎香，建議先嚐嘅原味，十分鮮甜，口感爽軟。再配上由鮑魚膽熬制味道鮮甜濃郁嘅醬汁，令人一試難忘！
甘鯛配南瓜海膽忌廉醬，大廚以半煎炸嘅方式將甘鯛魚的魚鱗炸至鬆化香脆，魚肉依然能夠保持爽滑緊致，配上香滑嘅南瓜海膽忌廉醬，味道鮮美，口感豐富。
東南亞龍蝦 - 大廚三兩下手勢在鐵板上將龍蝦拆殼，龍蝦肉外層煎香，蝦肉裏面保留刺身食法，食落除咗煎香嘅龍蝦鮮味外，同時亦有龍蝦刺身嘅鮮甜味，鮮味同口感有層次。
鵝肝多士 - 鵝肝面煎得帶點脆身，入面香滑無筋，有點入口即溶嘅感覺，鵝肝味濃郁，毫無油膩感。再加上藍莓及冰凍嘅菠蘿粒，相當好食！
焦糖多士 - 賣相精緻，有好香嘅牛油同焦糖味，而且相當香脆好食。
A4日本和牛 - 色澤新鮮，油花分佈豐富。略為煎至五成熟，咬落腍滑，牛味喺口入面爆發。
A4和牛粒櫻花蝦炒飯 - 以A4和牛粒、櫻花蝦、雞蛋、洋蔥粒、蘿蔔……炒成，炒得乾身香口，味道同口感都豐富。
龍蝦殼立魚湯 - 將之前東南亞龍蝦嘅殼加上立魚敖湯，味道鮮甜，有質感，龍蝦味濃郁。炒雜菜 - 相當清甜爽脆。
最後以一球抹茶味香濃嘅雪糕作結。用餐過程中，大廚會介紹食材、菜式及了解我哋嘅口味喜好，以作出調節配合，呢餐畀我嘅感覺，除咗食材優質新鮮，味道好食之外，同時亦感受到大廚嘅專業及用心，絕對值得一讚！
聽大廚同隔籬嘅食客講，原來呢度午市同晚市有得包場，或者下次公司有function，可以考慮一下。
張貼
