喜膳燒

營業中

休息中

前兩日俾我發現尖沙咀一間隱世串燒店☺️幾乎日日喺尖沙咀嘅我居然都唔知有間咁嘅餐廳，雖然唔大，不過幾有feel，而且串燒都幾好味。馬來西亞大蜆足足有成九隻，每隻都厚肉嘅，好似冇乜落調味料，不過餐廳會俾自製嘅泰式辣醬，話就話啲肉可以點嚟食，不過我覺得同蜆嘅味都好夾。金菇牛肉金菇牛肉好多汁，好入味，仲加咗好多芝麻，好香，值得一試，而且份量十足。安格斯牛肉因為怕太肥，所以冇叫和牛，而安格斯我覺得啱啱好，有牛味又唔會太多脂肪。玉子豆腐第一次食串燒玉子豆腐，都幾特別，燒得都幾香。另外要試吓雞肉串，勁大一串，啖啖肉，仲可以揀沙嗲同bbq醬👍🏻好少串燒店會咁大串，食得好飽嘅一餐，下次飲埋啤酒，正☺️