影片
更多
2022-01-14
810 瀏覽
發記腸粉粥品成日經過元朗都見呢間粥店大排長龍。今次同埋男朋友一齊會一會佢！今次去到，都係一如既往咁多人，不過由於好多人都係等外賣既關係，等咗大概15至20分鐘就入到。 粥店地方唔算大，所以座位比較迫少少，不過呢樣都係其次，最緊要係啲野好食！發記第一腸 呢個我會改佢個名做發記第一多料腸粉。一夾開，發現佢有雞蛋，叉燒，蝦，樣樣都勁足料，貪心既朋友可以試下。可惜係要包住咁多料，個腸粉就要整厚啲，唔係就好易穿，令腸粉唔夠滑。。。荔灣艇仔粥靚靚及弟粥兩個粥可以一整講。兩碗粥既料都好好食，尤其係及弟粥既豬膶，好新鮮，而且厚薄都好適中。食落去好嫩，完全唔會好乾同鞋。其他既配料例如粉腸，豬肉丸，水魷，豬皮等都正常發揮。 而粥感都算綿滑，但味道略嫌有少少過咸。最後我地叫多咗個牛脷酥餸粥。牛脷酥好香脆，大家都可以試下！
成日經過元朗都見呢間粥店大排長龍。今次同埋男朋友一齊會一會佢！
今次去到，都係一如既往咁多人，不過由於好多人都係等外賣既關係，等咗大概15至20分鐘就入到。
粥店地方唔算大，所以座位比較迫少少，不過呢樣都係其次，最緊要係啲野好食！
發記第一腸
呢個我會改佢個名做發記第一多料腸粉。一夾開，發現佢有雞蛋，叉燒，蝦，樣樣都勁足料，貪心既朋友可以試下。可惜係要包住咁多料，個腸粉就要整厚啲，唔係就好易穿，令腸粉唔夠滑。。。
荔灣艇仔粥
靚靚及弟粥
兩個粥可以一整講。兩碗粥既料都好好食，尤其係及弟粥既豬膶，好新鮮，而且厚薄都好適中。食落去好嫩，完全唔會好乾同鞋。其他既配料例如粉腸，豬肉丸，水魷，豬皮等都正常發揮。 而粥感都算綿滑，但味道略嫌有少少過咸。
最後我地叫多咗個牛脷酥餸粥。牛脷酥好香脆，大家都可以試下！
張貼
