Butcher & Baker Cafe (已結業)

呢間餐廳令我最surprised嘅係室內環境真係好有外國氣息！入面好寬敞，甚至有休憩嘅地方比小朋友玩樂；而且中亭有個PizzaKitchen，門口又有個drink island，可想言之呢間餐廳佔地幾咁大。我最鍾意佢個Ribs！一來好抵食，半份先200幾蚊，價錢同一碟意粉先差唔多，但個份量多到我以為係一份！二來真係好好食，肉質好腍好腍，輕輕一推開就可以將骨肉分離，Soft到放入口會溶化，而且完全唔乾，口味好濕潤，燒烤醬好入味，滲透每一吋肉裡頭，呢個ribs真係暫時我食過最令我印象深刻嘅一個。Side dishes有薯條同沙律，同樣貫徹美國菜嘅特色，就係份量好多！另外再叫咗個香蒜蜆肉意粉，呢個蒜香又唔係太濃，味道稍為清啲，不過配合蜆肉食係合理嘅，唔需要太多調味，以蜆肉嘅鮮味為主導，加啲車厘茄味道，整體來講好Fresh，而且蜆肉相當多，並無偷工減料。最後order咗個農場Pizza，呢個就令我有少少失望喇，因為無一種令人印象深刻嘅味道，每樣ingredient嘅味道都唔突出，芝士味都唔太濃郁，所以下次應該唔會叫pizza了。