影片
更多
2019-05-27
374 瀏覽
老飯店即係老飯店 屹立多年不倒一定有佢嘅原因 今日食完終於明白老字號是必需要尊重的 全部菜式味道正宗 而且相當夠火喉 確保係信心嘅保證紅燒元蹄$310呢個係無敵推介 大過塊面嘅元蹄 炆到好淋 服務員用刀同匙羹幫我哋切開整隻元蹄 眼見佢基本上唔使用任何力 已經可以好輕鬆將隻元蹄分解個芡汁濃味但唔會太鹹 塊皮先係精髓嘅重點 入口即化 好重骨膠原 基本上炆到啲脂肪已經溶化咗 所以食多幾嚿都唔會有肥膩飽滯感覺呢個紅燒元蹄可以話我食過咁多間餐廳之中最出色嘅乾扁四季豆$108炒得好乾身 而且好有鑊氣 四季豆依然爽脆 味道帶點微辣 肉碎粒粒分明 增加口感小籠包$140/10隻呢間老字號嘅小籠包又係不能錯過嘅美食 皮薄餡靚又多汁 足以形容呢個小籠包最緊要襯熱食 湯汁非常清甜 小心啲夾 唔好整千層皮梅菜扣肉$118呢味餸菜下飯一流 可以令我食曬成碗飯 醬汁非常厚身又惹味 五花腩肥而膩 一層脂肪一層肉 口感既軟熟又嫩滑 梅菜吸收曬醬汁嘅味道 總之就正啦食咗咁多濃味野 叫返到清清哋嘅菜 頓時覺得好舒服 火腿津白$118津白非常清甜而且煮到好淋 上面嘅咸火腿有畫龍點睛嘅效果 味道又鹹又鮮 香味久久不散最後當
老飯店即係老飯店 屹立多年不倒一定有佢嘅原因 今日食完終於明白老字號是必需要尊重的 全部菜式味道正宗 而且相當夠火喉 確保係信心嘅保證
紅燒元蹄$310
呢個係無敵推介 大過塊面嘅元蹄 炆到好淋 服務員用刀同匙羹幫我哋切開整隻元蹄 眼見佢基本上唔使用任何力 已經可以好輕鬆將隻元蹄分解
個芡汁濃味但唔會太鹹 塊皮先係精髓嘅重點 入口即化 好重骨膠原 基本上炆到啲脂肪已經溶化咗 所以食多幾嚿都唔會有肥膩飽滯感覺
呢個紅燒元蹄可以話我食過咁多間餐廳之中最出色嘅
乾扁四季豆$108
炒得好乾身 而且好有鑊氣 四季豆依然爽脆 味道帶點微辣 肉碎粒粒分明 增加口感
小籠包$140/10隻
呢間老字號嘅小籠包又係不能錯過嘅美食 皮薄餡靚又多汁 足以形容呢個小籠包
最緊要襯熱食 湯汁非常清甜 小心啲夾 唔好整千層皮
梅菜扣肉$118
呢味餸菜下飯一流 可以令我食曬成碗飯 醬汁非常厚身又惹味 五花腩肥而膩 一層脂肪一層肉 口感既軟熟又嫩滑 梅菜吸收曬醬汁嘅味道 總之就正啦
食咗咁多濃味野 叫返到清清哋嘅菜 頓時覺得好舒服 火腿津白$118
津白非常清甜而且煮到好淋 上面嘅咸火腿有畫龍點睛嘅效果 味道又鹹又鮮 香味久久不散
最後當然係甜品時間啦 炸銀絲卷$38
炸至表面金黃脆卜卜 配上煉奶簡直是一絕 中間依然帶有水分 而且真係有一絲絲嘅效果 相當正宗
酒釀湯圓$72/4粒
我估個湯圓應該係自家製嘅 外面個皮堅韌而且薄 我最怕又厚又少餡 所以呢個湯圓俾到驚喜我 中間嘅芝麻有流心效果 芝麻味道夠香 好吃非常
呢餐晚餐實在太豐富喇 不能盡錄所有美食 但係整體質素相當高 而且價錢合理 而且份量夠曬多 適合大夥兒聚餐
張貼
