糖心軒

營業中

休息中

食物幾好都冇用，簡直不吐不快😡希望糖心軒老闆睇到呢篇食評，認真處理一下佢哋員工嘅服務態度話說一向門口有個矮嘅經理，之前態度非常惡劣，但係後尾有進步所以值得加分。👍🏻但係點知一波未平一波又起，輪到個高又大隻短髮女經理，態度惡劣眼超超，講嘢粗聲粗氣。就算係個半鐘頭食飯時間到，都唔該你對啲客好聲好氣叫佢埋單，而唔係大大聲聲叫＂你哋食完飯未，食完想上埋糖水俾你，唔該埋單！＂。態度惡劣，令人嘩然 ！🙄之後仲衰，直程攞張單埋嚟叫你埋單，但係大家仲食緊嘢，兼且都未夠鐘，我直頭嬲到想埋佢單！🙄希望糖心軒老闆正視依家奧運分行嘅職員服務態度問題。個男經理又係縮縮骨骨。反而其他勤力嘅服務員，大部分都非常好，對客殷勤，又幫忙，態度又友善，明點解佢哋反而係低級，越高級嗰啲就越討厭。