影片
更多
2021-03-25
1435 瀏覽
終於開到黎藍田，睇返張印仔卡，大大話話都食咗差唔多10次，等我出番個攻略先雖然開到區區都有但係佢嘅人氣依然不減，仲係咁難攞枱。疫情關係，Apps已經冇得book枱，不過依然可以係app睇到有幾多人攞咗飛。因為冇得book枱，所以walk in 變快咗,今次星期四5:45pm拎飛，7:30有得入。一個鐘頭大約可以入到30張枱。大家拎咗飛可以去附近aeon或者匯景商場行吓街，壽司郎YouTube有直播叫到幾多號。你見剩返10個Number過嚟嘅時候就返去啦。如果嗌過咗少少，佢哋都會補返張枱俾你。大家以為個個都去壽司郎一定好好食，不過其實好多中伏位，唔好盲目用個iPad order,親眼望住嘅壽司轉到你嗰度，覺得新鮮先攞。不過其實佢嘅味道同質素同元気定位差唔多。佢嘅$12三文魚係大約爭鮮嘅級數。新開張嘅時候有$12 toro，CP值極高，如果大家有機會再遇到，建議可以瘋狂all in。另外佢$17 2件油甘魚亦都鮮甜抵食，鍾意食魚生嘅朋友可以叫。食厭咗魚生嘅話可以試佢個炸蝦牛油果卷。如果覺得唔飽又唔想洗好多錢可以叫佢嘅天婦羅拼盤，食咗唔會嬲。仲有佢嘅$12赤蝦都中規中矩。至於其他食物就唔太推
雖然開到區區都有但係佢嘅人氣依然不減，仲係咁難攞枱。疫情關係，Apps已經冇得book枱，不過依然可以係app睇到有幾多人攞咗飛。因為冇得book枱，所以walk in 變快咗,今次星期四5:45pm拎飛，7:30有得入。一個鐘頭大約可以入到30張枱。大家拎咗飛可以去附近aeon或者匯景商場行吓街，壽司郎YouTube有直播叫到幾多號。你見剩返10個Number過嚟嘅時候就返去啦。如果嗌過咗少少，佢哋都會補返張枱俾你。
大家以為個個都去壽司郎一定好好食，不過其實好多中伏位，唔好盲目用個iPad order,親眼望住嘅壽司轉到你嗰度，覺得新鮮先攞。不過其實佢嘅味道同質素同元気定位差唔多。佢嘅$12三文魚係大約爭鮮嘅級數。新開張嘅時候有$12 toro，CP值極高，如果大家有機會再遇到，建議可以瘋狂all in。另外佢$17 2件油甘魚亦都鮮甜抵食，鍾意食魚生嘅朋友可以叫。食厭咗魚生嘅話可以試佢個炸蝦牛油果卷。如果覺得唔飽又唔想洗好多錢可以叫佢嘅天婦羅拼盤，食咗唔會嬲。仲有佢嘅$12赤蝦都中規中矩。至於其他食物就唔太推薦。
今次個評分係base on 佢有$12 toro, 如果冇嘅話就只屬OK。（藍田分店一開張已經冇晚市堂食，所以唔係好多人試過$12 toro）
至於等個半鐘值唔值就見仁見智啦，不過強烈唔建議你買籌，唔好助長歪風。
最後奉上一張實物同埋廣告對比圖
張貼
