吉列牛忌廉烏冬專門店 (彌敦道) (已結業)

係openrice見到呢一間餐廳啲相好靚，同埋仲有我最鍾意食嘅烏冬，所以咁啱嗰日喺旺角，就去咗試吓。入到餐廳就淨係見到有兩個侍應，佢都冇帶我哋去個位度，就直接話自己揀兩個位坐。到之後佢再嚟我哋個位就直接放低張紙叫我哋自己用barcode落單。呢間餐廳叫咗吉列牛忌廉烏冬專門店，但係Lunch set裏面竟然係無忌廉烏冬🤷🏿‍♀️ 超奇怪🤷🏿‍♀️ 咁我地就跟住佢個名，叫左個吉列牛定食同咖哩忌廉烏冬。賣相唔差，用黎影相都唔錯。吉列牛份量好足，不過肉質唔靚，燒完食落都無牛味😪 呢個價錢食真係好失望😞咖喱忌廉烏冬味道唔錯，忌廉份量都好多，只不過佢入邊話有牛肉，但係就只係搵到一兩舊...仲要食左都唔覺係牛😪 再一次失望最誇張係佢嘅服務態度，由頭到尾其實都冇serve過我哋，餐具係自己自助拎嘅，仲要係冇同我哋講過係自己拎。😞上菜亦都就咁放低就算😪最最最過分嘅係，我哋食完想搵牙籤就問佢，因為喺自己個枱下面個櫃桶搵唔到，佢竟然答我一句櫃桶入邊有，然後我開俾佢睇同佢講，佢就去咗另一個櫃桶拎出嚟放落去我個櫃桶度。無錯！係放落去櫃桶度，而唔係放係枱面俾我！然後呢佢就走咗去🤷🏿‍♀️🤷🏿‍♀️🤷🏿‍♀️🤷🏿‍♀️ 呢一幕