立鮨 (安富大廈) (已結業)

立鮨之前在旺角食已覺很好食，價錢合理而且質素很好，事隔年多就去咗荃灣立鮨食，原來已經有企位，最後價錢結帳約$400連加一/2位 抵食必叫的立鮨壽司拼盤上這個$98，珍寶赤蝦大隻口感夠厚身食到新鮮的少許黏口感，海膽味濃又甜，份量仲要不少。當然仲有三文魚，油甘魚，北海道帶子，這個拼盤壽司各一款。 火炙大吞拿魚腩海苔壽司見到人哋好大舊又想試，入口即溶再加香微燒過脂香更增加，用大片紫菜包住好味道。$9三文魚壽司都不好錯過再叫件啦，鮮甜有油脂。 頭先食完帶子好食，再食另一款火炙北海道帶子壽司都沒有失望，厚肉之餘仲帶燶香。本鮪赤身壽司味道好濃郁魚香口感帶吞拿魚的軟熟感 這裡除了壽司好食，小食都不錯，海鮮蒸蛋，打開幾香不會太熱，蛋夠滑，材料勁豐富，味道夠不用點豉油都好食。牛舌芯好爽口但又幾軟熟。吉列廣島蠔新炸起但唔會油身。蟹子沙律味道正常多蟹子口感豐富。