春水堂 (希慎廣場) (已結業)

今日中午行銅鑼灣希慎廣場時，見到我在台灣時必吃的「春水堂」，馬上令我想念起他們的凍茶、小吃、麵線。於是馬上排隊等入坐，好彩唔算太多人，但到我食完之後就勁多人排隊。入了坐，打開餐牌睇，menu種類有8成同台灣店相同。我點了：麻香烏骨雞麵線、烏龍豆干、茉香奶茶先來麻香烏骨雞麵線，湯底是用雞骨熬成，有姜、杞子等材料，再加上麻香，清湯底好香麻油及雞味，飲入口唔覺有加味精，飲完唔口喝。雞肉彈牙，麵線軟身。由於湯底實在太好味，我連湯成碗食晒！烏龍豆干：有鳥龍茶味的干豆腐，味道好似台灣夜市的小食。茉香奶茶：我點了凍、小冰小甜。一入口，茉莉花的清香味在口腔內湧現出來，馬上令我想起初夏的台灣，好飲！總結：整體味道近似台灣春水堂。現在飛唔到台灣，在香港能夠食到原味感覺，實屬難得，啲回憶返晒嚟👍