頂立 (裝修中)

係coffee shop 又係烏冬店，店面黑色神秘，掛滿唔同日本魔鬼面具。//Cold brew//咖啡豆每隔一段時間就會轉一轉，今次係危地馬拉東方日曬 mix 埃塞俄比亞日曬耶加雪菲， 入口酸甜有朱古力味//海．頂立烏冬////限．頂立烏冬//烏冬用咗稻庭烏冬，入口爽滑彈牙，除左湯頭，所有配料係固定，有油揚、海帶、味筍、竹輪、雲耳同叉燒，款款索晒湯汁勁好食。湯汁方面，「海．頂立烏冬」用清酒+鰹魚+昆布+龍蝦殼同蝦頭熬製湯汁，湯頭鮮甜。而「限．頂立烏冬」以「天．頂立烏冬湯底」再進行改良，微辣有胡椒味，口感幾得意。先飲咖啡，再食烏冬係店主提倡嘅獨特食法。 我跟指示飲完住食，入口真係會比齋食有小小唔同，飲完再食會更提鮮。//提拉米蘇//即叫即砌，可要求手指餅浸得脆身或硬身啲，我就未食過脆嘅Tiramisu，所以就要求食脆身啲，入口會更有咬口//昭和風硬布丁//布丁蛋香，彈彈滑滑，焦糖味濃。