更多
2022-05-11
1197 瀏覽
地址-安平燒肉旺角彌敦道593-601號創興廣場9樓朋友有日想好掛住台灣,咁又食厭左台式火鍋,所以就試下呢間好多人推介的烤肉店,一入到去就比好多天燈吸引左,令人好掛住九份,唉,幾時至可以去台灣玩呀!!!一坐低,職員就介紹飲品及蔬菜位置係邊,而枱上亦有唔同醬料可供選擇,唔錯。💋台灣櫻花蝦拌飯及櫻花蝦乾拌手工麵,係等待食物熟透前,當然要先食一食澱粉質墊一墊底先,佢個拌飯有個教學,跟住教學做一定唔會失敗的,一食落就食到啖啖櫻花油香味,配埋鹵水汁,勁正,而櫻花蝦拌手工麵質彈牙,帶黎截然不同的感受,好想再食多D,但要留位置比其他食物,只好作罷。💋嚴選牛舌芯,澳洲M5和牛,安格斯牛小排,美國SRF極黑牛及三角牛肩肉,牛舌芯佢係贈送的,一食就覺得口感彈牙,牛味勁濃,連我唔太好食牛舌的都大讚!而其他就可以任叫,而佢係每款牛側邊都有張紙仔標明係咩黎,做法幾好,整體黎講質素好好,每款都係肥瘦均勻,而厚度亦都好足夠,唔會勁薄,勁正!而佢出面有大量生菜供應,方便包住D肉黎食,感覺當日食左好多菜菜,真係好健康的人生啊。💋絲瓜煮蜆,屏東燒魚腹,金沙翠玉苦瓜,起司鵪鶉蛋及奶油金菇,佢有多款用錫紙兜裝好的食物,方便係
旺角彌敦道593-601號創興廣場9樓
朋友有日想好掛住台灣,咁又食厭左台式火鍋,所以就試下呢間好多人推介的烤肉店,一入到去就比好多天燈吸引左,令人好掛住九份,唉,幾時至可以去台灣玩呀!!!一坐低,職員就介紹飲品及蔬菜位置係邊,而枱上亦有唔同醬料可供選擇,唔錯。
💋台灣櫻花蝦拌飯及櫻花蝦乾拌手工麵,係等待食物熟透前,當然要先食一食澱粉質墊一墊底先,佢個拌飯有個教學,跟住教學做一定唔會失敗的,一食落就食到啖啖櫻花油香味,配埋鹵水汁,勁正,而櫻花蝦拌手工麵質彈牙,帶黎截然不同的感受,好想再食多D,但要留位置比其他食物,只好作罷。
💋嚴選牛舌芯,澳洲M5和牛,安格斯牛小排,美國SRF極黑牛及三角牛肩肉,牛舌芯佢係贈送的,一食就覺得口感彈牙,牛味勁濃,連我唔太好食牛舌的都大讚!而其他就可以任叫,而佢係每款牛側邊都有張紙仔標明係咩黎,做法幾好,整體黎講質素好好,每款都係肥瘦均勻,而厚度亦都好足夠,唔會勁薄,勁正!而佢出面有大量生菜供應,方便包住D肉黎食,感覺當日食左好多菜菜,真係好健康的人生啊。
💋絲瓜煮蜆,屏東燒魚腹,金沙翠玉苦瓜,起司鵪鶉蛋及奶油金菇,佢有多款用錫紙兜裝好的食物,方便係網上煮,絲瓜煮蜆味道清甜,蜆亦冇砂,屏東燒魚腹醃料味濃,配埋魚肉一齊食,我地叫左好多兜黎食XD,而苦瓜方面食落唔算太苦,最正係佢包裹住薄薄的鹹蛋黃製成的金沙,勁正!起司鵪鶉蛋佢D芝士勁多,拉到唔少絲,畫面真美,而奶油金菇又係另一款我地叫得多的食物,奶油味香濃,令人忍唔住不停咁食。
💋烤帆立貝及爽彈海蝦,佢每隻帆立貝上面都有粒牛油,燒燒下就會溶左,再利用埋佢黎煮貝貝,勁入味,而且勁大隻,勁滿足,而爽彈海蝦方面果然冇改錯味,大隻之餘又真係幾彈牙,正!
💋薑汁厚切雪花豬,原味梅花豬,豬大腸及烤豬肉乾,佢D豬勁厚,肉質彈牙,唔佢個薑汁味好濃,原味梅花豬配埋D鹽一齊食,帶出一陣肉味,唔錯,豬大腸方面佢處理得唔錯,唔會太肥同埋發出臭味,烤完後做到外脆內軟的口感,而豬肉乾就坊間好少見到有得食,所以一見到即叫,唔好講太多,佢食落都幾似澳門的小食,幾過癮。
💋梅山酥炸薯,滷水涼拌鴨舌及台灣小枕頭,佢除左燒肉出色外,佢D小食都幾多選擇,因為小肚子不大關係,叫左D食下,佢個炸薯係用蕃薯黎做的,勁酥脆,配埋酸酸地的梅粉,勁正,而鴨舌方面,佢大大隻,滷水味香濃,最後想講講佢個小枕頭,即係麻糬,佢要自己燒的,睇住佢由一塊平面的燒漲成立體的枕頭,成個過程好得意,咬落外脆內乾,而蘸埋附送的煉奶,食落甜甜地咁,好正!
💋百香果綠茶,藍莓果茶,佢D飲品數量唔講得笑,勁多選擇,出面攞的覺得藍莓果茶幾特別,味道酸酸甜甜咁,解膩作用一流,而百香果綠茶就要用手機落單,呢個做法唔錯,因為可以比你揀甜度同冰量,咁我呢D崇尚健康的孩子當然叫少甜啦,佢百香果味道香甜,配埋綠茶,帶點甘味,好好飲。
而最後佢仲有甜品選擇,雖然好想叫佢個仙草芋圓,但實在太飽的關係,只好叫雪糕就算,佢成個用餐體驗真係好豐富而且勁正,職員態度積極而且有禮,經常都會主動換網及收拾雜物,值得一讚!
張貼