發記腸粉粥品

營業中

休息中

佢間招牌腸粉好鬼過癮， 可以滿足曬你食叉燒，蝦仁，和蛋絲的願望。 基本上佢係好似普通嘅腸粉，但係入面有三種料一齊。 不過個粉皮就爛咗少少。美中不足。但另外嗰兩個粥嘅評價都係唔錯。我自己嗌咗蠔仔牛肉粥。 啲蠔仔好乾淨好鮮甜， 大細適中， 面頭仲有好多好多芫茜， 又有好多薑絲。正。 啲牛肉碎唔會太細粒， 所以有番啲口感。另外我個朋友嗌咗艇仔粥， 有魚片魷魚絲花生豬皮， 份量用材料都好充足， 每一個材料都新鮮， 個粥底係軟綿綿。環境寬闊， 個裝修係好簡潔， 服務態度良好， 最重要就係啲粥其實都好平， 廿幾三十蚊一碗算係咁。 如果想健康又唔使花咁多錢食個飯， 可以去試下