小憩片刻·雞湯·麵·串燒 (已結業)

由佢開舖冇耐都已經一直有幫襯，因為啲雞湯真係好好味，我習慣食佢嘅雲吞淮山麵，不過就會將個雞湯轉做椰子雞湯, 一直以來都冇講過話有需要額外收錢. 今日如常去點餐嘅時候都同侍應哥哥講咗話想將個湯轉做椰子雞湯，不過上菜嘅時候原來廚房冇轉到，所以侍應哥哥就話佢會叫廚房再比一碗椰子雞湯我. 到埋單嘅時候發覺有個$10嘅另外收費, 問詳情之下先發覺因為侍應哥哥喺落單嘅時候唔記得同廚房講話要轉椰子雞湯，所以要另外再開單. 但係我唔係好明，其實個顧客喺落單嘅時候已經講咗話要轉椰子雞湯，咁係侍應同廚房冇溝通點解要將呢個價錢轉嫁比消費者呢?