樂麵

營業中

休息中

通常去到葵芳都係掃街，好少會入商場坐入鋪食正餐！不過今個復活節假期度度都人少少，唔使排隊就坐低自自在在咁食啦！點左一個鰹魚雞湯拉麵，一個胡椒豬肚湯拉麵，兩個湯我都揀濃厚湯底。一碗炒飯加個小食，拉麵差少少$100，都接受嘅！上到枱！湯好濃好香👍🏻👍🏻义燒好滑唔柴，仲有佢啲荀一啲都唔臭！係日本食拉麵，我一定夾走晒啲荀，但今次食晒！食完個麵我就將炒飯放入湯，繼續成碗連湯連飯都食晒飲晒！一啲都無口渴！小食叫左個蝦膠釀山葵，幾特別，不過炸得唔乾，上碟油滴滴，希望可以改善！每枱都好似日本咁，有一大壼冰水，愈食愈熱，啱哂！希望下次去可以試埋佢個炸池魚同豚角飯！