樂麵

營業中

休息中

芫荽麵，成碗都係老芫荽，味道還可以接受，但唔係美味果隻，本身唔夠湯，老芫荽浸唔到湯，難食，想加湯又唔得，叫淋麵又唔夠淋，即刻無哂胃口。濃湯白雞麵好普通，咁既價錢有太多選擇，叫淋麵變爽麵，真。無下次。

我一般嚟講都唔要面對食有咩要求，但係今次不得不寫，免得大家中伏。呢個拉麵真心，未試過咁難食，啲湯淡到仲衰過返煲完嘅湯。跟本同有味嘅水無分別，以後唔會再幫嚫。另外有叫餃子，to be fair，係ok 嘅，不過追加＄5x 10 隻，都係有啲貴，不過不失吧～最後，加大左個餐可以無限追加蔥，點會估到唔係日本蔥。當然，佢無講係日本嘅，而我都知佢咁嘅價錢的確難，不過我心存僥倖啫～ 我情願佢唔好任加，比返啲正常嘅，對返起個價錢囉～

行街見攰攰地搵野食，第一次食，但奉勸大家不可一不可再！首先上菜速度極慢，大概等咗30分鐘先有嘢食。但講緊成間餐廳都係得四枱客左右，而且味道非常一般，完全不值呢一個價錢。最惡劣嘅係服務員嘅態度。1. 一份嘢食都冇嘅時候就話截單，要我哋俾咗錢先。2. 比飲品嘅飲管嘅時候，亂咁擺落嚟。3. 之後上麵既時候，兩碗求其擺落嚟，冇問過我哋邊一個食邊一碗。4. 仲有最後唔知係咪趕收工，我哋都未食完野，佢就收晒啲水，之後就喺隔離拖地！我想講我哋杯水飲完再斟多杯郁無，仲要勁大陣消毒藥水味充斥住我地！咁既服務仲要加一服務費！都唔知服務左係邊！

最近去果次應該系十月頭, 大約下午3~4點左右唔多人既時間, 平時我都會坐系4 人位, 食完就即走, 唔好阻人做生意,  今次我都系咁做, 鋪頭大約有兩枱客, 坐低準備落單時個服務員小妹話叫我坐去吧枱, 我話唔坐得唔得(因為坐得好唔舒服), 對方話唔得, 一定要, 我覺得佢應該系新黎, 上司有教佢咁做先會咁講, 咁呀...我唔食啦, 轉身就走,  以後我應該都唔會再幫襯, 祝尼間鋪以後生意興隆啦!

行完葵廣又想食正餐🍜見到呢間無人排隊 就入咗去試吓雞白湯拉麵🐓雞白湯係好濃 似飲濃湯咁拉麵軟硬度就適中正常 可惜冇永樂伊麵 賣晒冇入貨豚肉雞肉叉燒就正常嘅 冇太大驚喜醬油糖心蛋 都唔錯 蛋白都有淡淡嘅醬油味唔會太鹹至於胡椒豚肚湯拉麵🐖湯底真係好濃嘅胡椒豬肚湯味 飲到後面係偏辣嘅湯底都係比較濃郁 不過飲到後面會有啲涸喉我哋叫咗多蔥多洋蔥多芽菜 所以嚟到係真係好色彩繽紛秋葵釀蝦膠炸串🥦味道都幾特別 蝦膠係彈牙嘅而且食落去唔會有潺落鹽灑咗喺秋葵度調味 令到個秋葵味突出

新都會俾人感覺係好多嘢食好多嘢買亦都行得好舒服隔離喺葵涌廣場，但係兩個地方感覺唔一樣，而新都會比較集團式，大型一啲，比較有規律乾淨調理嘅餐廳駐守！今次揀咗二有呢間門面都好吸引嘅拉麵舖！樂麵成間店都係紅色為主，感覺日本風味好重，所以好期待佢個拉麵好日本地道嘅味道！首先嚟個真熬雞白湯蕎麥拉麵！雞湯味濃！唔稀又唔杰撻撻，剛好日本拉麵湯底嘅味道！配埋蕎麥拉麵蛋口程度剛剛好！配菜仲有紫洋蔥碎粒，撈埋落啲面度一流！再嚟雙重花雕雞湯伊麵，好重花雕味，但係唔係搶喉嗰種！又係雞湯配搭撈埋紫洋蔥水連埋麵一齊食，有質素都有8.5分，叉燒亦都好薄，配埋面食係好食！單食就比較單調！所以一定每食一啖要飲個湯！咁先係最夾！

平時香港食拉麵食得多，來來去去都係果幾款，今次試下香港品牌拉麵店，仲加入左香港元素同拉麵都係搵香港麵廠去整，誠意十足就試下啦真熬雞白湯拉麵平時喺日本都好鐘意食雞白湯拉麵，因為好濃郁但無其他湯底咁鹹，樂麵哩個拉麵用咗永樂粉麵廠出品嘅麵嚟做拉麵，本身有買開永樂嘅麵係屋企煮，拉麵就未食過，口感幾似日本拉麵，軟硬適中口感有啲彈牙，都幾掛湯湯底其中部分用咗悅和醬油，欣賞餐廳願意喺傳統中保留香港獨有味道，湯底濃而不膩，有濃郁雞味，似熬咗幾耐變濃縮嘅湯肉質算嫩，肉味充足同行朋友叫咗胡椒湯，我比較重口味，試完覺得胡椒湯啱我啲，有啲胡椒香，下次再食吧本身個位已經唔闊，果日用大概A4 Size嘅袋，店員無指引有籃放袋 （或者真係無提供？），全程都要攬住食有啲唔方便，如果係櫈底加番個位放野會好啲

本來想吃壽司郎, 仲有100個籌, 轉去樂麵,第一次幫襯, 喺門口睇menu職員熱心介紹, 唔同湯底冇味精, 坐低雖然可以用qr code落單但係職員都主動幫我落單, 可能叫我第一次幫襯傻下傻下, 湯都有雞湯, 鹽味湯, 辣湯, 魚湯, 本地悅和醬油湯等等, 我2人叫咗一個魚湯一個雞湯, 雞湯味道出啲👍, 麵可以選擇軟硬, +$15轉永樂麵, 麵都有正常size或者加大size, 普通人吃正常size已經夠, 湯,豚肉,蛋,麵各方面都做到平衡, 另外我都叫了奶茶有濃郁茶味, 最後九折買了一袋永樂麵, 會再幫襯😍

食咩最緊要有得揀～！麵底可揀，湯底可揀，濃淡可揀，配料可揀，飲嘢可揀～ 小食都幾多款式可以揀～最後我揀咗雞白湯、較淡味、蕎麥麵，仲揀多個白魚蛋串添～ 朋友就揀豚骨湯，濃味，日本拉麵，加玉子！雖然揀咗淡味，但雞白湯依然濃郁，相信係冇咁鹹更健康！ 蕎麥麵軟硬適中，有麵香，好好食～豚骨湯都唔豬騷，濃郁得嚟唔會過鹹～ 日本拉麵都好彈牙，而且豚骨湯味濃，令啲麵更好食😋白魚蛋串小食超彈牙，又有椒鹽香😋 可惜唔夠熱～

濃口胡椒豚肚湯，個湯底好似攞咗飛水嗰啲水嚟煮麵做湯底咁，超級難食，超級大雪藏味秘製陸雞香鹽湯，好似攞咗飛水嗰啲水加啲油同埋加啲鹽就變咗一個湯底，千祈唔好去真係好難食

被睇開嘅KOL吸引到，一直心心唸想試吓咩叫港式拉麵。。。特登去葵芳搵食，去到門口，侍應都話好好食㗎，入嚟試吓啦！叫咗個胡椒豬肚湯藜麥麵可以想像到嘅味道，係濃嘅，第一啖係覺得好味嘅，但同個麵硬係唔夾，麵質有啲淋，所以食多幾啖已經覺得．．早知叫拉麵啦仲有個白雞湯普通拉麵，湯好濃郁，叉燒係好淋嘅豬肉片仲叫咗個釀秋葵，呢個唔記得影相，但超難食，油浸咁，又淋身．．食後感食完超級口渴，應該唔會有下次嚕

真熬雞白湯拉麵口味可以選擇港系向/日系向，雖然我係港人但我選嘅係日系🤣試左啖朋友嘅湯，港系向的確比日系向濃厚，麵嘅份量多唐揚日本秋葵釀蝦膠炸串（兩串)秋葵比較唔合我口味，太滑潺潺了比較可惜係店舖好多食物及飲品都已經售罄

難得嚟到葵芳，本來想去葵廣掃街，不過實在太攰，要搵個地方坐下，於是就過咗新都會食拉麵。先嚟個小食椒鹽炸魚蛋，一客兩串共六粒，細細粒，熱辣辣好彈牙，面頭嘅椒鹽又夠惹味，於是食下一粒食下又一粒，眨下眼就食哂兩串😂。真熬雞白湯拉麵，顧名思義，個湯先係主角，上枱時見湯底奶白色，上面有少少泡，幾吸引，即刻飲一啖，嘩！真係堅好飲，雞味濃之餘湯底又鮮甜，未開始食拉麵已經飲咗三份一😆。配菜有豬雞鴨溏心蛋同筍，味道正常，我覺得所有肉類肉質嫩滑，有啲似慢煮肉嘅 feel，唔錯。至於拉麵就一般，雖然我揀咗硬口感，但係可能因為麵條偏幼，所以就唔太夠咬口啦。由於雞湯真係好好飲，最後我係飲到一滴不剩😌。

🍜🍜誓要食勻全港拉麵系列🍜🍜見餐牌幾多款式，今次就試吓期間限定嘅「花雕醉人蔘雞白湯拉麵」湯底 : 可選「港式淡麗」或者「日式濃厚」。我今次就選咗港式淡麗。因為見到之前有啲comment話比較鹹。先飲一啖湯，雞湯底鮮甜濃郁，係好味嘅。但係就點飲嚟飲去，都飲唔到花雕或者人蔘嘅味道喎！要好努力好努力品嚐，先至有0.01%嘅参味？直頭懷疑係佢會唔會比錯麵嗰種。酒味就完全冇啦。麵條：偏硬，唔覺有麥味，但都有蕎麥麵嗰種粗糙嘅小麥口感。雞：首先係完全冇醉雞味嘅。佢喺湯入面附上兩片煮熟比較厚嘅雞肉，好普通，唔軟滑。另外佢喺碟到仲有額外一片粉紅色嘅雞肉。我都有少少疑惑究竟係就咁食，定係需要浸熟佢？心理上都係驚驚地，都係放入湯度浸一浸。呢片粉紅色嘅雞肉浸完湯之後都嫩滑，比原本湯嗰兩塊白色雞肉好。溏心蛋：都幾入味。環境方面，因為坐喺吧枱附近，啲煙係咁噴過來，都幾熱。同埋張枱黐立立。總結嚟講，個湯底其實幾好味嘅，但係就冇花雕味又冇蔘味，名不符實。雞肉就冇乜特別。環境： ★★☆☆☆ 食物： ★★★☆☆ 推介指數： ★★★☆☆

今晚喺葵青劇院睇舞台劇，簡簡單單食碗麵醫醫肚～平時麻麻地食拉麵，不過依間｛樂麵🍜｝就幾深得我心🫶🏻主打雞白湯拉麵同雞叉燒，好食過豚骨拉麵好多😝✴️麻香胡椒豬肚絲✴️豬肚絲好長一條，如果可以切一半就更方便食用😅調味較鹹，食完少少口喝～✴️花雕醉雕湯拉麵✴️好香花雕酒味，有驚喜！不過酒落得唔算多，飲幾啖後就無哂酒香味🥲雞肉叉燒超嫩口，索咗湯底好多汁，好食wor😍✴️真熬雞白湯拉麵✴️有幾款唔同嘅雞叉燒，肉質依舊細嫩有彈性👍🏻雞白湯濃稠度剛好，唔會太杰身難入口，整體嚟講係一碗好不錯嘅拉麵🧡