Beeger

營業中

休息中

在堅尼地城搵食，見呢一間Burger店於Openrice的食評都唔錯，咁咪入去坐低試一試啦，佢個流心芝士手打牛肉Burger好似好多人話正，咁我就決定照叫啦，因為第一次幫襯無理由唔試牛肉而食其他Burger嘅，可惜真係中了伏。首先個個都讚佢個包話好得，食落係熱嘅，不過似微波爐叮熱，因為食到一半已經覺得個包un un地，就好似喺屋企用微波爐返叮麵包的感覺。芝士係流心嘅，不過舊牛肉漢堡扒就有D濕，雖然唔知係唔係因為直接影響，總之搞到個包中間嗰D位一pat咁，咬一啖之後成個人無晒心機。而作為配菜的沙律菜就正正常常啦，不過整體感覺係差嘅，可能無期望就唔會有失望，伏味濃無下次。