和田便當 (已結業)

今日難得去金鐘食飯，一於就去試下和田便當。入到去就有兩部自動售賣機，仲有個侍應姐姐係到幫手點餐。原本我叫咗兩個便當，一個係炙燒塩麹豬頸肉配雜菌，另一個係香草雞扒配煙肉炒薯仔，但侍應姐姐話雞扒賣咗俾人，得返牛肉丼，之後就俾咗牛肉丼同炙燒塩麹豬頸肉配雜菌我。炙燒塩麹豬頸肉配雜菌 $66豬頸肉燒得好淋，就算擺咗係自動售簤機咁耐，仍然可以維持水準，另外玉子、西蘭花、車厘茄等配菜都好新鮮，感覺唔似擺過係自動售賣機到咁。燒牛肉丼 $43牛肉丼都好味，無用太多醬汁，但仍然食到飯同牛肉既味道，不過下次可以試到香草雞扒配煙肉炒薯仔就好啦。